ზღვის ეშმაკი

ზღვის ეშმაკი, ლოფიუსი (ლათ. Lophius piscatorius) — თევზი, ზღვის ეშმაკისებრთა (Lophiidae) ოჯახისა. მისი სიგრძე 1,5 მ აღწევს, წონა 20 კგ-მდე. ზღვის წყლის ბინადარია. გვხვდება ძირითადად ზღვის დიდ სიღრმეებში. სხეული შიშველია, ზემოდან მუქი, ქვემოდან მოთეთრო, თავი დიდი, განიერი და ბრტყელი. აქვს დიდი პირი, სასაზე — ძლიერი კბილები. მტაცებელია. იკვებება როგორც მსხვილი, ასევე წვრილი თევზებით, ზოგჯერ წყლის ფრინველებითაც, რომელთაც წყლის ზედაპირიდან იტაცებს. გავრცელებულია ევროპის სანაპიროებთან ბარენცის ზღვიდან შავ ზღვამდე. იყენებენ ნედლსა და შებოლილს. მისი კუჭქვეშა ჯირკვლისაგან ამზადებენ ინსულინს. შავ ზღვაში ზღვის ეშმაკის ეგზემპლარი ნაპოვნია ბათუმთან, 1955 და 2008 წლებში. მცირე სამეურნეო მნიშვნელობისაა. შავი ზღვისათვის უიშვიათესი სახეობაა.

ზღვის ეშმაკი
მეცნიერული კლასიფიკაცია
სამეფო:  ცხოველები ოჯახი:  ზღვის ეშმაკისებრნი სახეობა:  ზღვის ეშმაკი
ლათინური სახელი
Lophius piscatorius
დაცვის სტატუსი
ყველაზე ნაკლები საფრთხის ქვეშ IUCN 3.1 Least Concern : 198610
გავრცელების არეალი
სისტემატიკა ვიკისახეობებში სურათები ვიკისაწყობში ITIS   164501 NCBI   8074 EOL   46566106 FW   357015

Lophius piscatorius

ლიტერატურა

• ქართული საბჭოთა ენციკლოპედია, ტ. 4, თბ., 1979. — გვ. 549.