EGIS (ფარმაცევტული კომპანია)

EGIS — უნგრული ფარმაცევტული კომპანია, რომელიც იკავებს ერთ-ერთი წამყვან ადგილს ცენტრალურ და აღმოსავლეთ ევროპაში. კომპანიის საქმიანობა ვრცელდება ფარმაცევტული წარმოების ყველა სფეროზე, კვლევებიდან განვითარებამდე, აქტიური ნივთიერებებისა და გასაყიდი მზა პროდუქტების წარმოებამდე. სათაო ოფისი მდებარეობს ბუდაპეშტში, უნგრეთი. „EGIS“ სიდიდით მეორე ფარმაცევტული კომპანიაა უნგრეთში „გედეონ რიხტერის“ შემდეგ.

EGIS

ტიპი	სს
დარგი	ფარმაცევტული ინდუსტრია
დაფუძნდა	1913
პროდუქცია	მედიკამენტები პარაფარმაცია
სუფთა მოგება	53,1 მლნ € (2018)
თანამშრომელი	4398 ადამიანი (2018)
საიტი	[[1]]

კომპანია დაარსდა 1863 წელს. ამჟამად EGIS-ის ჯამური პერსონალი, უცხოელ წარმომადგენელთა ოფისების ჩათვლით, 4000 ადამიანს შეადგენს. თავად კომპანია უნგრელ დამსაქმებელთა რეიტინგში 26-ე ადგილზეა. კომპანია თავისი ბრუნვის 76  %-ს ექსპორტიდან იღებს, მისი პროდუქცია მსოფლიოს 60-ზე მეტ ქვეყანაში იყიდება, აქედან 18-ში „EGIS“-ს აქვს წარმომადგენლობითი ოფისები და ფილიალები (8 წარმომადგენლობითი ოფისი მდებარეობს უნგრეთში).

სტრუქტურა

„EGIS“-ის საწარმოო სტრუქტურაშე შედის:

• მთავარი საწარმო ბუდაპეშტში, რომელიც აწარმოებს აქტიურ სამკურნალო ნივთიერებებს, სამკურნალო პროდუქტებს ტაბლეტების, დრაჟეების და კაფსულების სახით;
• ლაბორატორია და ამპულების საწარმო ბუდაპეშტის გარეუბანში;
• ქალაქ კორმენდში განთავსებული საწარმო, რომელიც სპეციალიზებულია პრეპარატების წარმოებაში მალამოების, სუპოზიტორების, ფხვნილების, სიროფების და აეროზოლების სახით.

წარმოება

სს „EGIS“-ის პორტფელის ძირითადი კომპონენტები:

1. კარდიოლოგიური ჯგუფის პრეპარატები: Rozulip, Egithromb, Kordaflex RD, Egilok, Hartil ;
2. პრეპარატების ფსიქონევროლოგიური ჯგუფი: ალზეპილი, ველაქსინი, გრანდაქსინი, სტიმულოტონი, ლუცეტამი ;
3. უროგინეკოლოგიური ჯგუფი: Betadin, Zalain, Sorbifer Durules, Tulosin ;
4. სხვადასხვა თერაპიული კლასის წამლების ჯგუფი: ჰალიქსოლი, სუპრასტინი, სუპრასტინექსი, ეროლინი, პარლაზინი .

„EGIS“-ისთვის საგარეო სტრატეგიული ურთიერთობების განვითარებაში მნიშვნელოვანი ნაბიჯი იყო ალიანსი უმსხვილეს ფარმაცევტულ კონცერნ — Servier-ის ფარმაცევტულ ჯგუფთან, რომელიც ამჟამად ფლობს ქარხნის აქციების 50,9%-ს. ორ კომპანიას შორის სამეცნიერო და სამრეწველო თანამშრომლობის პრიორიტეტია გულ-სისხლძარღვთა დაავადებების და ცნს-ის დაზიანებების სამკურნალო მედიკამენტების განვითარება.დღეისათვის „EGIS“ 212 ფორმაში 114 წამალს აწარმოებს.სს „ფარმაცევტული ქარხანა ეგისი“ წელიწადში 4,5 მილიარდ ტაბლეტს, 140 მილიონ შეფუთვას მედიკამენტს და 500-600 ტონა აქტიურ ნივთიერებას აწარმოებს.

კომპანიის ორიგინალური მედიკამენტები:

• გალიდორი (ექსპორტი მსოფლიოს 50 ქვეყანაში);
• გრანდაქსინი (ექსპორტი მსოფლიოს 25 ქვეყანაში);
• ენერიონი (უნიკალური პრეპარატი ასთენიის სამკურნალოდ).

წლების განმავლობაში სს „ფარმაცევტული ქარხანა ეგისის“ 7 პრეპარატი დაჯილდოვდა „უნგრეთის დიდი ინოვაციური პრიზით“: 1992 წელი — „კორდაფლექსი“; 2003 — ტალიტონი; 2004 წელი — "სტიმულოტონი"; 2006 წელი — "რილეპტიდი"; 2007 — "ველაქსინი რეტარდი"; 2008 წელი — ქეთილეპტი; 2012 წელი — „ეგითრომბი“.

კვლევის პოტენციალი

კომპანია „EGIS“-ის ბრუნვის დაახლოებით 9% ხორციელდება ახალი და გენერიკული მედიკამენტების კვლევასა და განვითარებაში — 2010-2011 წლებში ინვესტიციებმა 40 მილიონ ევროზე მეტი შეადგინა. კვლევასა და განვითარებაში ინვესტიციების თვალსაზრისით, „EGIS“ მეოთხე ადგილს იკავებს ცენტრალურ და აღმოსავლეთ ევროპის ყველა კომპანიას შორის.

„EGIS“-ის კვლევითი საქმიანობა მოიცავს სამ ძირითად თერაპიულ ჯგუფს: გულ-სისხლძარღვთა დაავადებების, ცენტრალურ ნერვული და სასუნთქი სისტემის სამკურნალო პრეპარატებს. ამასთან, კომპანიის სამეცნიერო ფონდის ყურადღებას იპყრობს მედიცინის სხვა მიმართულებები, კერძოდ, ონკოლოგია, რის გამოც 2010-2011 წლებში ამ ჯგუფის მედიკამენტების გაყიდვები წინა წელთან შედარებით 19%-ით გაიზარდა.

ეკონომიკური მაჩვენებლები

კომპანია „EGIS“ იმპორტის მხრივ მესამე ადგილზეა უნგრეთში. კომპანიის მთლიანი გაყიდვების 32% რუსეთის ფედერაციასა და დსთ-ს ქვეყნებზე მოდის, 27% — ცენტრალურ და აღმოსავლეთ ევროპაზე. კომპანიის წმინდა გაყიდვებმა 2010-2011 ფინანსურ წელს შეადგინა დაახლოებით 450 მილიონი ევრო, საიდანაც 73% საექსპორტო გაყიდვებზე მოდის, ხოლო 27% — უნგრეთსა და რუსეთზე.