ჰასანია

ჰასანია (არაბ. حسانية) — არაბული ენების დიალექტი, რომელზეც ძირითადად საუბრობენ ბენი ჰასანის და ბედუინების ტომების წარმომადგენლები, რომელთა სამფლობელოებიც XV-XVII საუკუნეებში მოიცავდა მავრიტანიისა და დასავლეთ საჰარის თითქმის მთელ ტერიტორიას. ამ რეგიონში მან თითქმის მთლიანად ჩაანაცვლა ბერბერო-ლიბიური ენები. ჰასანია მაღრიბული დიალექტებში იმით გამოირჩევა, რომ მასზე დიდი გავლენა მოახდინეს გეოგრაფიულად მასთან ახლო მყოფმა სხვა ენებმა — ზენაგამ და ვოლოფმა. ჰასანიასაც აქვს რამდენიმე დიალექტი, თუმცა მათი ძირითადი განსხვავება მხოლოდ ფონეტიკაშია. დღეისთვის ჰასანია სასაუბროდ გამოიყენება შემდეგ ქვეყნებში: ალჟირი, მალი, მავრიტანია, მაროკო, დასავლეთი საჰარა.

ჰასანია არაბ. حسانية
გავრცელებულია	სამხრეთ-დასავლეთი ალჟირი, ჩრდილო-დასავლეთი მალი, მავრიტანია, სამხრეთი მაროკო, დასავლეთი საჰარა.
მოლაპარაკეთა რაოდენობა	3,3 მილიონი (2004–2006)
ლინგვისტური კლასიფიკაცია	აფრაზიული ენები სემიტური ენები ცენტრალურ-სემიტური ენები არაბული ენები მაღრიბული დიალექტები ჰასანია
დამწერლობის სისტემა	არაბული დამწერლობა
ენის კოდები	ISO 639-3: mey
რუკა
მოლაპარაკეთა არეალი მოლაპარაკეთა არეალი

მოსაუბრეთა რაოდენობა ქვეყნების მიხედვით

Ethnologue.com- ის მიხედვით, 2006 წელს დასავლეთ საჰარის გამოკლებით ჰასანიაზე მოსაუბრე შეადგენდა 3 123 190 ადამიანს, რომლებიც შემდეგნაირად ნაწილდებოდნენ:

• მავრიტანია: 2 770 000 (2006)
• ალჟირი: 150 000 (1985)
• დასავლეთი საჰარა: უცნობი
• მალი: 106 000 (1991)
• მაროკო: 195 000 (1995)
• ლიბია: 40 000 (1985)
• ნიგერი: 10 000 (1998)
• სენეგალი: 7 190 (2006)

ლიტერატურა

• "Hassaniya, the Arabic of Mauritania", Al-Any, Riyadh S. / In: Linguistics; vol. 52 (1969), pag. 15 / 1969
• "Hassaniya, the Arabic of Mauritania", Al-Any, Riyadh S. / In: Studies in linguistics; vol. 19 (1968), afl. 1 (mrt), pag. 19 / 1968
• "Hassaniya Arabic (Mali) : Poetic and Ethnographic Texts", Heath, Jeffrey; Kaye, Alan S. / In: Journal of Near Eastern studies; vol. 65 (2006), afl. 3, pag. 218 (1) / 2006
• Hassaniya Arabic (Mali) : poetic and ethnographic texts, Heath, Jeffrey / Harrassowitz / 2003
• Hassaniya Arabic (Mali) – English – French dictionary, Heath, Jeffrey / Harrassowitz / 2004