ჯაპანის ტბა

ჯაპანის ტბა — ნამდინარევი ტბა დასავლეთ საქართველოში, ლანჩხუთის მუნიციპალიტეტში. მდებარეობს ოდიშ-გურიის დაბლობზე, ზღვის დონიდან 13,6 მ სიმაღლეზე. ზედაპირის ფართობი 1,17 კმ², წყალშემკრები აუზის ფართობი 5,2 კმ². საშუალო სიღრმე 3,7 მ. წყლის მოცულობა 4,3 მლნ. მ³. საზრდოობს წვიმისა და მიწისქვეშა წყლით. გაუდინარია, მტკნარი. ჯაპანის ტბა დღეისათვის ტბორად არის გადაკეთებული. იყენებენ თევზის მოსაშენებლად. ზამთარში ამ ტბაზე გადამფრენი ფრინველები ბინადრობენ, ასობით გარეული იხვი და სხვა ტიპის ფრინველები.

ჯაპანის ტბა
კოორდინატები: 42°05′56″ ჩ. გ. 42°12′26″ ა. გ.
მდებარეობა	საქართველო
ტერიტორიული ერთეული	ლანჩხუთის მუნიციპალიტეტი
სიმაღლე ზღვის დონიდან	13,6 მ
ფართობი	1,17 კმ²
მოცულობა	0,0043 კმ³
საშუალო სიღრმე	3,7 მ
აუზის ფართობი	5,2 კმ²