ხოროსანი
ხოროსანი (ლათ. Artemisia cina) — სამკურნალო მრავალწლოვანი მცენარე რთულყვავილოვანთა ოჯახის ავშანის გვარის. ნახევრად ბუჩქია, სუსტად შეფოთლილი, ძირში გახევებული მოწითალო-მოყვითალო (შემოდგომით) ღეროები აქვს.
| ხოროსანი | ||||||||||||||
|---|---|---|---|---|---|---|---|---|---|---|---|---|---|---|
 | ||||||||||||||
| მეცნიერული კლასიფიკაცია | ||||||||||||||
| ||||||||||||||
| ლათინური სახელი | ||||||||||||||
| Artemisia cina | ||||||||||||||
| ||||||||||||||
ხოროსნის სიმაღლე 25 — 70 სანტიმეტრია. ქვედა ფოთლები ფრთართული და ვიწროხაზურია, მორუხო, ზედა — მარტივი, ხაზური და ღია მწვანე. მოყვითალო წვრილი კალთები კვერცხისებრია, წებოვანი მეჭეჭები აყრია, ქაფურის სუნი აქვს. ხოროსანი კავკასიაში არ იზრდება.
გავრცელებულია მხოლოდ შუა აზიის ველებზე. ყვავის შუა სექტემბერში, თესლი მწიფდება ოქტომბერ-ნოემბერში; ფოთოლი, ნორჩი ღერო და განსაკუთრებით ყვავილი შეიცავს ტერპენოიდ სანტონინს. გაუშლელი კალთები, რომელიც ცნობილია ხორასნის თესლის სახელით, იხმარება სამკურნალოდ.
ლიტერატურა რედაქტირება
- ქართული საბჭოთა ენციკლოპედია, ტ. 11, თბ., 1987. — გვ. 501.