ხმელთაშუა ზღვები
ხმელთაშუა ზღვები — ხმელეთში ღრმად შეჭრილი და ოკეანესთან ერთი ან რამდენიმე სრუტით დაკავშირებული ზღვები. განარჩევენ შიგაკონტინენტურ (თუ ერთ კონტინენტშია შეჭრილი, მაგ., ბალტიის ზღვა) და კონტინრნტთშორის (თუ რამდენიმე კონტინენტშია შეჭრილი, მაგ., ხმელთაშუა ზღვა, წითელი ზღვა და სხვა) ზღვებს. სხვა ზღვებთან შედარებით უფრო მეტად განცალკავებულია და თავისებური ჰიდროლოგიური რეჟიმი აქვთ, რომელზედაც ზეგავლენას ახდენს გარემომცველი ხმელეთი.
ლიტერატურა
რედაქტირება- ქართული საბჭოთა ენციკლოპედია, ტ. 11, თბ., 1987. — გვ. 490.