ხაშურის წმინდა ნიკოლოზის ეკლესია

ხაშურის წმინდა ნიკოლოზის ეკლესია — ეკლესია ხაშურის სამხრეთ-აღმოსავლეთ ნაწილში, ჭალის უბანში, თარიღდება XIX საუკუნით.

ხაშურის წმინდა ნიკოლოზის ეკლესია
ძირითადი ინფორმაცია
რელიგიური კუთვნილება	საქართველოს მართლმადიდებელი ეკლესია
ქვეყანა	საქართველო
ადგილმდებარეობა	ქ. ხაშური
ფუნქციური სტატუსი	მოქმედი
ხუროთმოძღვრების აღწერა
ხუროთმოძღვრული სტილი	დარბაზული ეკლესია
თარიღდება	XIX საუკუნე

ეკლესია დარბაზულია (16,9 × 8,6 მ) და ნაგებია აგურით. შესასვლელი სამხრეთითა და დასავლეთითაა. ღრმა ნახევარწრიული აფსიდის ღერძზე მაღალი თაღოვანი სარკმელია. ორი სარკმელი სამხრეთ კედელშია, სამი — ჩრდილოეთისაში, ერთი — დასავლეთ კედელში. დარბაზის გრძივ კედლებზე სამი წყვილი მარტივი პილასტრია, რომლებზეც ეყრდნობა ნახევარწრიული კამარის საბჯენი თაღები.

ლიტერატურა

• საქართველოს ისტორიისა და კულტურის ძეგლთა აღწერილობა, ტ. 5, თბ., 1990. — გვ. 421.