წყლის დედა

წყლის დედა (მეგრ. წყარიშდიდა, წყაროშმაფა) — წყალთა პატრონი, დაახლოებით ბერძნული ნიმფების მსგავსი, ქართული მითოლოგიის ორიგინალური სახე, სიმურ დალი, წყალთა ნიჭის გამგებელი.

ახალწლის დილას წყალს მოპარავენ, სამაგიეროდ ნიჭს უტოვებენ („წყალო ნიჭი მოგიტანე, ბედი გამომატანე“). ვინც ამ წარმართული ცერემონიის შემდეგ წყლის აღებას დაასწრებს, ბარაქიანი და ბედნიერი წელი დაუდგება. კულტი გავრცელებულია მრავალ კუთხეში. სვანეთში არის წყლის შელოცვა, კურთხევა, მაგრამ არაა წყლის დედა.

ლიტერატურა

• კიკნაძე ზ., ქართული მითოლოგია, თბილისი: ბაკმი, 2007. — გვ. 240-241, ISBN 978-99940-27-10-1.
• აკაკი გელოვანი, მითოლოგიური ლექსიკონი — გამომცემლობა „საბჭოთა საქართველო“, თბ., 1983.