წვიმების სეზონი
წვიმების სეზონი — წელიწადის დრო, როდესაც მოდის არაპროპორციულად დიდი რაოდენობის ატმოსფერული ნალექები. მას ყველაზე ხშირად ადგილი აქვს ტროპიკულ განედებში, უფრო ნაკლებ შემთხვევებში - ზომიერ განედებში.
წვიმების ზოლი გადაადგილდება წლის განმავლობაში, მიჰყვება მზის ზენიტს ჩრდილოეთ და სამხრეთ ტროპიკს შორის. ასე რომ, ეკვატორის სიახლოვეს წელიწადში იცის ორი წვიმების სეზონი. რაც უფრო შორს ვიმყოფებით ეკვატორიდან, მით უფრო ნაკლებია დროში წყვეტა ორ წვიმების სეზონს შორის, ვიდრე ისინი არ გადავლენ ერთ სეზონში ნალექების ორი აპოგეით ან თვითონ ტროპიკებში არ დაიწყება ერთი მთლიანი წვიმების სეზონი.
ტროპიკების ჩრდილოეთით და სამხრეთით წვიმების სეზონი ჩვეულებრივ ერთხელ დგება წელიწადში. რაც უფრო მეტად შორდება განედი ეკვატორს, მით უფრო სუსტი ხდება წვიმების სეზონი. ზომიერ რეგიონებში 42-ე განედს ზემოთ წვიმა გადანაწილებულია საკმაოდ თანაბრად მთელ წელიწადზე და სხვა ფაქტორები, როგორებიცაა ქარი, სიმაღლე ზღვის დონიდან ან მცენარეულობა, უფრო ძლიერ გავლენას ახდენს ნალექების რაოდენობაზე, ვიდრე სეზონური მზის ზემოქმედება.
სეზონური ხასიათი წვიმებს ასევე აქვთ მუსონური კლიმატის დროს.
-
ავსტრალიის ბარონის ჩანჩქერი წვიმების სეზონში (იანვარი)… -
…და მშრალ სეზონში (ივლისი).
