წალკის მუნიციპალიტეტის გერბი

დეტალები
გვირგვინი	სამკოშკიანი ქონგურებიანი საქალაქო ვერცხლის გვირგვინი

წალკის მუნიციპალიტეტის გერბი — წალკის მუნიციპალიტეტის სახელმწიფო სიმბოლო დროშასთან. მიღებულია წალკის მუნიციპალიტეტის საკრებულოს მიერ.

აღწერილობა

გერბის ფარი გაყოფილია 3 ნაწილად.

I ნაწილი — ლაჟვარდოვან ველზე ვერცხლის სამი ოთხქონგურიანი ციხე-კოშკი; ველს ზემოთ გასდევს სამი ტალღოვანი ვერცხლის შემცირებული სარტყელი.
II ნაწილი — ვერცხლის ველზე მეწამული ჯვარი.
III ნაწილი — მეწამულ ველზე ოქროს ლომის მსგავსი ლეოპარდი, რომელიც უკან იყურება და ხელში ოქროს შუბი უპყრია.

გერბის ფარს ზემოთ მოთავსებულია საქალაქო ვერცხლის გვირგვინი — სამკოშკიანი ქონგურებიანი გალავანი (ციხე-სიმაგრის ფორმის) ნახევრად ღია კარიბჭით.

ფარს ქვემოთ მოთავსებულია გერბის დევიზის ვერცხლ-ლაჟვარდის ბაფთა, რომლის ვერცხლის ველზე შავით ჩაწერილია გერბის დევიზი — „წალკა“.