ჩვეულებრივი სურო[1] (ლათ. Hedera helix) — მცენარე არალიისებრთა ოჯახისა. მიწაზე გართხმული და მცოცავი ლიანა ბუჩქია. უნაყოფო ყლორტების ფოთლები სამკუთხა-კვერცხისებური ფორმისაა, 3–7-ნაკვთიანი. ნაკვთები-ისრისებურია, შეფერილობით — მუქი მწვანე, ზედა მხარეზე მოხატული ძარღვების შეფერილობის გამო ზოგჯერ მოთეთრო. სანაყოფე ყლორტების ფოთლები მთლიანი, კვერცხისებური ან რომბისებურია. ყვავილედი წარმოადგენს სწორადმდგომ ქოლგას. გვირგვინი მწვანე ფერისაა. ყვავის სექტემბერ-თებერვალში, ნაყოფმსხმოიარობს აპრილ-ივლისში. გავრცელებულია კავკასიაში, ცენტრალურ და სამხრეთ ევროპაში, მცირე აზიასა და ირანში. გვხვდება მთელ საქართველოში. იზრდება დაბლობიდან მთის შუა სარტყლამდე — ტყეებსა და ბუჩქნარებში.[2]
| ჩვეულებრივი სურო |
|---|
|
| მეცნიერული კლასიფიკაცია |
|---|
|
|
| ლათინური სახელი |
|---|
|
Hedera helix L., 1753 |
| სინონიმები |
|---|
- Hedera caucasigena Pojark.
- Hedera poetica Salisb., (1796), nom. illeg.
- Hedera diversifolia Stokes, (1812), nom. illeg.
- Hedera communis Gray, (1822), nom. superfl.
- Hedera poetarum Bertol., (1827), nom. illeg.
- Hedera helix var. vulgaris DC., 1830
- Hedera helix var. europaea Voss (1894), nom. inadmiss.
|
|
