შლამი
შლამი (გერმ. Schlamm, სიტყვასიტყვით – ტალახი) — რომელიმე მადნის გარეცხვისას ნალექის სახით მიღებული მისი მტვრისებური ან ძლიერ დისპერგირებული ნაწილაკები, ასევე წვრილი ნაწილაკების ნალექი, რომელიც გამოიყოფა სითხის დაწდომის ან ფილტრაციის დროს. სხვა კერძო შემთხვევებს შორის ჩამოითვლება:
- სასარგებლო წიაღისეულის უწვრილესი ნაწილაკები, რომელთა ზომა (მადნისათვის) არ აღემატება 10-40 მიკრომეტრს.
- სპილენძის, თუთიისა და სხვა ლითონების ელექტროლიზის დროს დალექილი ფხვნილისებრი პროდუქტი, რომელიც შეიცავს, ჩვეულებრივ, კეთილშობილ ლითონებს.
- ორთქლის ქვაბებში დალექილი ლამი.
- კვარცის ქვიშის სველი წესით მტვრევის პროდუქტი — კვარცის შლამი.
- ქანის ბურღვისას მიღებული შლამი, რომელიც საბურღ ხსნარს ზედაპირზე ამოაქვს.
- ქვანახშირის ან სხვა რომელიმე მადნის სველი წესით გამდიდრების პროცესში მიღებული ლამისებრი ნალექი.
იხილეთ აგრეთვე
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 11, თბ., 1987. — გვ. 11.