შვედური ლაპჰუნდი
შვედური ლაპჰუნდი (შვედ. Svensk lapphund) — ძაღლის ჯიში, რომელიც გამოყვანილია შვედეთში უძველეს ხანაში.
| |||||||||||||||||||
| წარმოშობის ქვეყანა | შვედეთი | ||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|
| |||||||||||||||||||
| |||||||||||||||||||
| ძაღლი (Canis lupus familiaris) | |||||||||||||||||||
ნორვეგიაში, ვარანგერის მახლობლად, აღმოაჩინეს 7000 წლის წინანდელი ძაღლის ჩონჩხი, რომელიც ძალიან ჰგავს ლაპჰუნდს. ეს ჩრდილოეთის ძაღლის ტიპური ჯიშია. შვედური ლაპჰუნდი უძველესი ჯიშია. მათი მოვალეობა ყოველთვის იყო საამების ხალხის ჩრდილოეთის ირმების ფარების მწყემსვა და დაცვა. 1960-იან წლებში შვედურმა ქენელ-კლუბმა განახორციელა პროგრამა, რომლის მიზანი იყო ლაპჰუნდის მემწყემსეობის თვისებების განვითარება.
დღესდღეობით სულ უფრო ხშირად შეიძლება ამ ძაღლის ნახვა მისი სამშობლოს ფარგლებს გარეთ, განსაკუთრებით სკანდინავიაში და დიდ ბრიტანეთში. შვედური ლაპჰუნდი ცუდად იტანს ქალაქის პირობებში ცხოვრებას და ცხელ ამინდს, კარგად იტანს სიცივეს. აქვს მოკლე, კონუსისებრი დრუნჩი, წვეტიანი ყურები, ძლიერი სწორი თათები, ბეწვს განსაკუთრებული მოვლა სჭირდება.