შემახის რაიონი

შემახის რაიონი (აზერ. Şamaxı rayonu) — რაიონი აზერბაიჯანის აღმოსავლეთ ნაწილში. ადმინისტრაციული ცენტრია ქალაქი შემახა.

რაიონი
შემახის რაიონი აზერ. Şamaxı rayonu
ქვეყანა	აზერბაიჯანი
ადმ. ცენტრი	შემახა
კოორდინატები	40°38′00″ ჩ. გ. 48°40′00″ ა. გ.
მმართველი	Tahir Mammadov
დაარსდა	8 აგვისტო, 1930
ფართობი	1611 კმ²
მოსახლეობა	93 700 კაცი (2005)
ეროვნული შემადგენლობა	აზერბაიჯანელები, ლეზგები
სასაათო სარტყელი	UTC+4
სატელეფონო კოდი	+994 176
ოფიციალური საიტი	http://www.shamaxi-ih.gov.az/
შემახის რაიონი ვიკისაწყობში

ისტორია

შემახის რაიონი, ძველი შირვანის, შირვანშაჰის სამფლობელოს, ცენტრი, მდებარეობს კავკასიონის სამხრეთ-აღმოსავლეთ კალთებზე. 1846 წელს, მას შემდეგ რაც აზერბაიჯანის ტერიტორია რუსეთის იმპერიის შემადგენლობაში შევიდა, ჩამოყალიბდა შემახის გუბერნია და შემახის მაზრა. 1859 წლის 2 დეკემბერს ქალაქი შემახა დაანგრია მიწისძვრამ, რის გამოც გუბერნიის ცენტრი გადაიტანეს ბაქოში და ეწოდა ბაქოს გუბერნია. 1930 წელს ჩამოყალიბდა შემახის რაიონი.

ღირსშესანიშნაობა

რაიონის ტერიტორიაზე უამრავი ისტორიული ძეგლი მდებარეობს, მათ შორის აღსანიშნავია:

• ჯუმა-მეჩეთი (VIII—XIX სს.)
• პირ-მარდაკიანის მავზოლეუმი (XII—XIII სს.)
• მავზოლეუმი სასაფლაო შახანდანი (XVII ს.)
• 7 მავზოლეუმის კომპლექსი ედი-გიუმბეზი (XVIII ს.)
• ციხეიმაგრე ქალეი-ბაიქურთის ნანგრევები (XII—XVI სს.)
• გიულიუსტანის ციხესიმაგრე (VIII—XV სს.)
• სოფელ კალახანის 8 მავზოლეუმის კომპლექსი (XVII ს.)

ადმინისტრაციული დაყოფა

რაიონი დაყოფილია ერთ საქალაქო (შემახა), სამი დასახლების და 46 სოფლის მუნიციპალიტეტად.

რესურსები ინტერნეტში

• შემახის რაიონი დაარქივებული 2018-12-25 საიტზე Wayback Machine.