შაქტი კაპური
შაქტი კაპური (ინგლ. Shakti Kapoor, ჰინდი शक्ती कपूर, ნამდვილი სახელი - სუნილ სიკანდერლალ კაპური; დ. 3 სექტემბერი, 1952 [1] დელი, ინდოეთი) — ინდოელი კინომსახიობი, ცნობილია უარყოფითი და კომიკური პერსონაჟების როლების შესრულებით. შაქტი კაპურმა მიიღო მონაწილეობა 700-ზე მეტ ფილმში. 1980-იან და 1990-იან წლებში. 2011 წელსიყო ინდური რეალითი შოუ Bigg Boss- ის კონკურსანტი.[2]
ბიოგრაფია რედაქტირება
სუნილ (შაქტი) კაპური დაიბადა და გაიზარდა დელიში, პუნჯაბელების ოჯახში. მისი მამა იყო ატელიეს მფლობელი, დედა კი - დიასახლისი. მათ ოთხი შვილი ჰყავდათ. სუნილს კითხვა არ უყვარდა. ის ცუდი საქციელის გამო გარიცხეს სამი სკოლიდან.
ახალგაზრდობაში სუნილს მამასთან კონფლიქტი ჰქონდა, ვინაიდან მას მოძალადედ თვლიდა. ოჯახის ბიზნესის ნაცვლად, ტურისტულ სააგენტოში სურდა მუშაობა. კოლეჯში სწავლის დროს, სუნილ კაპური მუშაობდა მოდელად. კოლეჯის დამთავრების შემდეგ, ის მუშაობდა Mercury Travels- სა და Asian Travels- ში და სურდა საკუთარი ტურისტული სააგენტოს გახსნა, მაგრამ ბოლო მომენტში მამამ უარი უთხრა დახმარებაზე.[1]
სუნილი სამუშაოდ მოეწყო მშობლიური ქალაქის თეატრში. მას სურდა გამხდარიყო პროფესიონალი მსახიობი, ამიტომ გაემგზავრა პუნაში, სადაც ინდოეთის კინოსა და ტელევიზიის ინსტიტუტის საუკეთესო სტუდენტი გახდა.
სუნილ კაპური ხუთი წლის განმავლობაში წარუმატებლად თამაშობდა ფილმებში. ის უპირატესობას ანიჭებდა დადებითი პერსონაჟების როლებს. ერთ დღესაც მსახიობმა ბოროტმოქმედის როლი შეასრულა ფეროზ ხანის ფილმში „სამუდამო მეგობრები“ (1980) და რეჟისორების ყურადღება მიიქცია, როგორც კარგმა მსახიობმა. მალე სუნილ კაპურმა გაიცნო სანჯაი დატი, რომელმაც სუნილი სახლში მამის გასაცნობად მიიწვია. სანჯაი დატის მამა სუნილ დატი ახალი ფილმის „როკის“(1981) გადაღებას აპირებდა და სუნილ კაპურს შესთავაზა თავის ფილმში ბოროტმოქმედის როლი, თან სახელის შეცვლა ურჩია. ახალ ფილმში სუნილ კაპური უკვე ახალ ამპლუაში შაქტი კაპურის სახელით გამოჩნდა და შესრულებული როლით დაიმკვიდრა „ცუდი ბიჭის“ სახელი.
მოგვიანებით შაქტი კაპური ცნობილი გახდა კომიკური როლებით. მსახიობი ბევრჯერ იყო ნომინირებული Filmfare ჯილდოზე საუკეთესო კომიკური სპექტაკლისთვის . ხოლო 1995 წელს აიღო ჯილდო Raja Babu- ში შესრულებული როლისთვის.[3]
2011 წელს შაქტი კაპურმა მონაწილეობა მიიღო რეალითი შოუს Bigg Boss მეხუთე სეზონში, სადაც ის 14 მონაწილეს შორის ერთადერთი მამაკაცი იყო [4]. ამ პროექტში მონაწილეობამ დადებითად იმოქმედა შაქტი კაპურისა და მისი ოჯახის იმიჯზე. მასმედიამ ის ჯენლტმენად მოიხსენია.
ასევე მსახიობი თამაშობს თეატრში. 2012 წელს თეატრთან ერთად საგასტროლოდ იმყოფებოდა ამერიკის შეერთებულ შტატებში. [5]
შაქტი კაპური არ არის რომელიმე პოლიტიკური პარტიის წევრი, მაგრამ 2004 წელს მან სიტყვით გამოვიდა ინდოეთის ეროვნული კონგრესის პარტიის ლიდერის სონია განდის დასაცავად, როდესაც მას აკრიტიკებდნენ იტალიური წარმომავლობის გამო. [6] 2011 წლის საარჩევნო კამპანიის დროს იგი აქტიურად უჭერდა მხარს ბაჰუჯან სამაჯის პარტიის (BSP) კანდიდატებს მუნიციპალურ არჩევნებში.
პირადი ცხოვრება რედაქტირება
შაქტი კაპურის მეუღლეს შივანგი ჰქვია, ის არის ცნობილი მსახიობის პადმინი კოლჰაპურის და. შივანგი მეუღლეზე 13 წლით უმცროსია. მშობლები მათი ქორწინების წინაარმდეგნი იყვნენ, ამის გამო შივანგი სახლიდან გაიპარა. იმავე დღეს 1982 წლის 12 იანვარს დაქორწინდა შაქტი კაპურზე. მშობლებმა მხოლოდ შვილიშვილის დაბადების შემდეგ მიიღეს ქორწინება.[7]
კაპურების წყვილს ორი შვილი ყავს. ვაჟი-სიდჰანთ კაპური, რომელიც დიჯეი და რეჟისორის თანაშემწეა. ასევე ითამაშა ფილმში „სროლა ვადალეში“ და ქალიშვილი-პოპულარული მსახიობი შრადჰა კაპური.[8]
ალკოჰოლის მიღებისაგან თავის არიდების მიზნით და შვილებისათვის რომ დაემტკიცებინა, ერთი თვის განმავლობაში შეუძლია ალკოჰოლის გარეშე გაძლება, შაქტი კაპური გახდა რეალითი შოუს Bigg Boss-ის მეხუთე სეზონის მონაწილე.
სქოლიო რედაქტირება
- ↑ 1.0 1.1 Anubha Sawhney (3 August 2003). "Shakti Kapoor: The role of a lifetime". The Times of India. Retrieved 24 April2016.
- ↑ "Shakti Kapoor Films". Bollywood Hungama. Retrieved 27 May 2016.
- ↑ "Best Shakti Kapoor characters". Retrieved 28 July2012.
- ↑ Divya Pal. I was like a father to Vida: Shakti Kapoor[მკვდარი ბმული] . The Times of India (3 November 2011). მიმართვის თარიღი 23 სექტემბერი 2014.
- ↑ Namita Nivas. Padmini Kolhapure to play Shahid`s mother[მკვდარი ბმული] The Indian Express (31 August 2012). მიმართვის თარიღი: 23 სექტემბერი 2014.
- ↑ Shakti Kapoor turns out for Congress The Hindu(3 March 2004). მიმართვის თარიღი 23 სექტემბერი 2014.
- ↑ Nair, Kalpana (17 July 2015). "Beti Bachao: Shakti Kapoor wants Shraddha married in 3 years"[მკვდარი ბმული]. Firstpost. Retrieved 24 April 2016.
- ↑ Akshata Shetty. It feels amazing to be Shakti Kapoor’s daughter: Shraddha.[მკვდარი ბმული] The Times of India (15 დეკემბერი 2012). მიმართვის თარიღი 7 სექტემბერი2014.