შალვა კერესელიძე (კონსტრუქტორი)

შალვა იასონის ძე კერესელიძე (დ. 12 დეკემბერი, 1913, უწერა — გ. 3 იანვარი, 1997) — ქართველი კონსტრუქტორი, ინჟინერ-მექანიზატორი, ტექნიკის მეცნიერებათა დოქტორი (1960), საქართველოს სსრ-ის დამსახურებული გამომგონებელი (1961), პროფესორი (1962).

ბიოგრაფია

1943-1949 წლებში მუშაობდა სა­ქართველოს სასოფლო-სამეურნეო ინსტიტუტში; 1949-1954 წლებში იყო ჩაისა და სუბტროპიკული კულტურების მანქანების სპეციალური საკონსტრუქტორო ბიუროს უფროსი; 1955-1962წ წლებში სა­ქართველოს სუბტროპიკული მეურნეობის ინსტიტუტის პრორექტორი. 1962-1971 წლებში იყო სა­ქართველოს სოფლის მეურნეობის მექანიზაციისა და ელექტრიფიკაციის ინსტიტუტში დირექტორის მო­ად­გი­ლე და პრობლემური ლაბორატორიის უფროსი; 1971-1975 წლებში სამთო მიწათმოქმედებისა და სუბტროპიკული კულტურების მანქანების სამეცნიერო და საკონსტრუქტორო-ტექნოლოგიური ინსტიტუტის დირექტორი და გენერალური კონსტრუქტორი; 1975 წლიდან სა­ქართველოს სოფლის მეურნეობის მექანიზაციის და ელექტრიფიკაციის ინსტიტუტში ხელმ­ძღვა­ნე­ლობ­და ჩაისა და სუბტროპიკული კულტურების მანქანების სამეცნიერო-კვლევით და საკონსტრუქტორო ტექ­ნოლოგიების ლაბორატორიას;

ლიტერატურა

• ენციკლოპედია „საქართველო“, ტ. 4, თბ., 2018. — გვ. 630.

• ქართული საბჭოთა ენციკლოპედია, ტ. 5, თბ., 1980. — გვ. 575.

რესურსები ინტერნეტში

• შალვა კერესელიძე — საქართველოს ბიოგრაფიული ლექსიკონი