შალვა ამონაშვილი
შალვა ამონაშვილი (დ. 8 მარტი, 1931, თბილისი) — ქართველი პედაგოგი და ფსიქოლოგი. თბილისის საპატიო მოქალაქე (2022).[1]
1955 წელს დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტი; 1958 წელს იაკობ გოგებაშვილის სახელობის პედაგოგიური მეცნიერების ინსტიტუტის ასპირანტურა. 1960 წლიდან ამავე ინსტიტუტში მუშაობდა ლაბორანტად, უმცროს მეცნიერ თანამშრომლად, სწავლულ მდივნად, ლაბორატორიის გამგედ, დირექტორის მოადგილედ სამეცნიერო ნაწილში, დირექტორად. 1987–1990 წლებში მუშაობდა ექსპერიმენტალურ სამეცნიერო საწარმოო პედაგოგიური გაერთიანების გენერალურ დირექტორად; 1964 წელს პროფესორ ბ. ხაჭაპურიძესთან და დოცენტ გ. ფოფხაძესთან ერთად ჩამოაყალიბა ექსპერიმენტული დიდაქტიკის ლაბორატორია; ხელმძღვანელობდა მასობრივ ექსპერიმენტებს დაწყებითი განათლების პრობლემებზე საქართველოს რამდენიმე რაიონში. ყოფილ სსრკ რესპუბლიკებში აღიარებული იყო როგორც ერთ–ერთი პედაგოგ–ნოვატორი.
ბიბლიოგრაფია რედაქტირება
- გარდაქმნის მთავარი პირი : სკოლის პრობლემები (ავტორი). — თბილისი, 1989. — 97გვ.
- გამარჯობათ, ბავშვებო! : მასწავლებელთა დასახმარებლად (ავტორი). — ცხინვალი, ირისთონი, 1989. — 235გვ.
- გამარჯობათ ბავშვებო! : დამხმ. სახელმძღვ. მასწავლებელთათვის (ავტორი). — სოხუმი, ალაშარა, 1988. — 229გვ.
- მუშაობა პიონერულ ორგანიზაციებში (ავტორი). — თბილისი, განათლება, 1967. — 62გვ.
ლიტერატურა რედაქტირება
- ენციკლოპედია „საქართველო“, ტ. 1, თბ., 1997. — გვ. 37.
რესურსები ინტერნეტში რედაქტირება
სქოლიო რედაქტირება
- ↑ ქოქოშვილი, დათო (2 ოქტომბერი, 2022). „საპატიო თბილისელის ჯილდო 20 ადამიანს გადაეცა“. netgazeti.ge. ციტირების თარიღი: 3 ოქტომბერი, 2022. შეამოწმეთ თარიღის პარამეტრი
|access-date=და|date=-ში (დახმარება)