ქიაზმოდონი
ქიაზმოდონი (ლათ. Chiasmodon) — ღრმა წყლის თევზების გვარი ქორჭილანაირთა რიგისა. მათი სხეულის სიგრძეა 10-15 სმ, ზოგჯერ 28 სმ-მდე. აქვთ ძალზე დიდი პირი, ყბებზე ბასრი ეშვისებრი კბილები. შეუძლიათ გადაყლაპონ მსხვერპლი, რომელიც ბევრად აღემატება მათ სიდიდით (კუჭი და მუცლის კედლები ამ დროს ძალზე იჭიმება). რამდენიმე სახეობა ფართოდაა გავრცელებული მსოფლიო ოკეანის ტროპიკულ და სუბტროპიკულ წყლებში 250-300 მ და მეტ სიღრმეზე. ყველაზე მეტად ცნობილია შავი ქიაზმოდონი (ლათ. Chiasmodon niger), რომელიც ატლანტის ოკეანეში ბინადრობს. შავი ქიაზმოდონი უნიკალური თევზია, მას შეუძლია საკუთარ სხეულთან შედარებით 6-12-ჯერ მეტი წონისა და 2-ჯერ მეტი სიგრძის თევზის ჩაყლაპვა.
| ქიაზმოდონი | ||||||||||
|---|---|---|---|---|---|---|---|---|---|---|
 შავი ქიაზმოდონი | ||||||||||
| მეცნიერული კლასიფიკაცია | ||||||||||
| ||||||||||
| ლათინური სახელი | ||||||||||
| Chiasmodon | ||||||||||
| ||||||||||
ქიაზმოდონი აერთიანებს 5 სახეობას:[1][2]
- Chiasmodon bolangeri Osório, 1909.
- Chiasmodon braueri Weber, 1913.
- Chiasmodon lavenbergi Prokofiev, 2008.
- Chiasmodon niger Johnson, 1864.
- Chiasmodon subniger Garman, 1899.
ლიტერატურა
რედაქტირება- ქართული საბჭოთა ენციკლოპედია, ტ. 10, თბ., 1986. — გვ. 523-524.
- Жизнь животных, т. 4, ч. 1, М., 1971.