ფიჭვის ზეთი

ფიჭვის ზეთი — ეთერზეთი, წიწვის სუნის მქონე მოყვითალო-მომწვანი ფერის სითხე. სიმკვრივე 880—920 კგ/მ³, იხსნება სპირტში, წყალში კი არა. ფიჭვის ზეთის ძირითადი კომპონენტებია: ბორნილაცეტატი, პინენი, ტერპინეოლი, ლიმონენი და სხვა. იღებენ წიწვისა და ფიჭვის შტოების წყლის ორთქლით გამოხდისას. იყენებენ პარფიუმერიასა და მრეწველობის სხვა დარგებში.

ლიტერატურა

• ქართული საბჭოთა ენციკლოპედია, ტ. 10, გვ. 340, თბ. 1986