ფენერბახჩე (საფეხბურთო კლუბი)

ფენერბახჩე (თურქ. Fenerbahçe Spor Kulübü) — თურქული საფეხბურთო კლუბი, დაფუძნებული 1907 წელს სტამბოლში. ასპარეზობს თურქეთის სუპერლიგაში. მისი სახელი მომდინარეობს სტამბოლის ამავე სახელწოდების უბნიდან. გუნდის ამჟამინდელი პრეზიდენტია ალი კოჩი.

ფენერბაჩე

სრული სახელი	Fenerbahçe Spor Kulübü
მოკლე სახელი	FB
დაარსდა	3 მაისი, 1907 (1907-05-03) როგორც Fenerbahçe Futbol Kulübü
სტადიონი	შუქრუ სარაჯოღლუ (ტევადობა: 50.509)
მწვრთნელი	ისმაილ კარტალი
ლიგა	სუპერლიგა
2023-2024	მე-2
საიტი	ოფიციალური საიტი
ძირითადი ფორმა რეზერვის ფორმა მესამე ფორმა

„ფენერბახჩე“ ერთ-ერთი ყველაზე წარმატებული თურქული კლუბია, რომელიც არასდროს დაქვეითებულა თურქეთის ჩემპიონატის უმაღლესი დივიზიონიდან. კლუბი საშინაო მატჩებს მართავს შუქრუ სარაჯოღლუს სახელობის სტადიონზე, რომელიც 50.509 მაყურებელს იტევს.

არსებობის ისტორიაში კლუბს მოგებული აქვს 19 სუპერლიგა, 7 თურქეთის თასი, 9 თურქეთის სუპერთასი და სხვა. გარდა ამისა, ფენერბახჩე უეფა-ს თასების მფლობელთა თასის 1963-1964 წლებისა და უეფა-ს ჩემპიონთა ლიგის 2007-2008 წლების სეზონების მეოთხედფინალისტია. ევროპულ ჩემპიონატებში კლუბის ყველაზე დიდ წარმატებად ითვლება უეფა-ს ევროპის ლიგის 2012-2013 წლების სეზონზე ნახევარფინალში გასვლა. „ფენერბახჩე“ ევროპული კლუბების ასოციაციის წევრია.

ლიტერატურა

• Yüce, Mehmet (2014). Osmanlı Melekleri: Futbol Tarihimizin Kadim Devreleri Türkiye Futbol Tarihi - Birinci Cilt (თურქული). Istanbul: İletişim Yayınları. ISBN 9789750515804. 
• Yüce, Mehmet (2015). İdmancı Ruhlar: Futbol Tarihimizin Klasik Devreleri: 1923-1952 Türkiye Futbol Tarihi - 2. Cilt (თურქული). Istanbul: İletişim Yayınları. ISBN 9789750516955. 

რესურსები ინტერნეტში

• შეგიძლიათ იხილოთ მედიაფაილები თემაზე „ფენერბახჩე (საფეხბურთო კლუბი)“ ვიკისაწყობში.
• ოფიციალური საიტი
• Official website of 1907 Fenerbahçe Association (თურქული)