ფარისებრახლო ჯირკვალი
ფარისებრახლო ჯირკვალი (ლათ. Glandulae parathyreoideae) — ხერხემლიანების შინაგანი სეკრეციის ორგანო, რომელიც გამოიმუშავებს პარათირეოიდულ ჰორმონს. ეს უკანასკნელი არეგულირებს ორგანიზმში კალციუმისა და ფოსფორის ცვლას და თავის მნიშვნელობით ახლოს დგას D ვიტამინთან. ადამიანს აქვს 2 წყვილი ჩხირივით წაგრძელებული ან ოვალური ფორმის ფარისებრახლო ჯირკვალი, რომლებიც მოთავსებულია ფარისებრი ჯირკვლის ზედაპირზე ან ქსოვილში. ცხოველი, რომელსაც ამოკვეთილი აქვს ფარისებრახლო ჯირკვალი, იღუპება. რადგან ამ ჯირკვლის არქონა ძლიერი კრუნჩხვების - ტეტანიის მიზეზი ხდება, რაც განპირობებულია ორგანიზმში კალციუმის კონცენტრაციის მკვეთრი ვარდნით. ჟირკვლის ფუნქციის გაძლიერებისას (ჰიპერფუნქცია) სისხლში მატულობს კალციუმი, რასაც შეიძლება მარილების დაგროვება მოჰყვეს.
ლიტერატურა
რედაქტირება- ქართული საბჭოთა ენციკლოპედია, ტ. 10, თბ., 1986. — გვ. 229 — 230.