ფარიდ მანსუროვი
ფარიდ სალმან ოღლუ მანსუროვი (აზერ. Fərid Salman oğlu Mansurov; დ. 10 მაისი, 1982, დმანისი, საქართველოს სსრ) — აზერბაიჯანელი ბერძნულ-რომაული სტილის მოჭიდავე, სპორტის ოსტატი, ათენის 2004 წლის ოლიმპიური თამაშების ჩემპიონი 66 კილოგრამის წონით კატეგორიაში. 2008 წლის პეკინის ოლიმპიურ თამაშებზე გამოვიდა აზერბაიჯანის გუნდის მედროშედ.[1] 2009 წელს, დანიაში გამართულ მსოფლიო ჩემპიონატზე, ბერძნულ-რომაულ ჭიდაობაში პირველი ადგილი დაიკავა. 2010–2011 წლებში იყო აზერბაიჯანის ნაკრების მთავარი მწვრთნელი ბერძნულ-რომაულ ჭიდაობაში.
 ფარიდ მანსუროვი 2013 წელს | |||||||||||||||||||||||||||||||
| პირადი ინფორმაცია | |||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| დაბ. სახელი | Fərid Salman oğlu Mansurov | ||||||||||||||||||||||||||||||
| სრული სახელი | ფარიდ სალმან ოღლუ მანსუროვი | ||||||||||||||||||||||||||||||
| ეროვნება | აზერბაიჯანელი | ||||||||||||||||||||||||||||||
| დაბ. თარიღი | 10 მაისი, 1982 | ||||||||||||||||||||||||||||||
| დაბ. ადგილი | დმანისი, საქართველოს სსრ | ||||||||||||||||||||||||||||||
| სიმაღლე | 174 სმ | ||||||||||||||||||||||||||||||
| წონა | 66 კგ | ||||||||||||||||||||||||||||||
| სპორტი | |||||||||||||||||||||||||||||||
| ქვეყანა | აზერბაიჯანი | ||||||||||||||||||||||||||||||
| სპორტი | ჭიდაობა | ||||||||||||||||||||||||||||||
| სახეობა | ბერძნულ-რომაული ჭიდაობა | ||||||||||||||||||||||||||||||
| მწვრთნელი | ალიკული გასანოვი | ||||||||||||||||||||||||||||||
|
|||||||||||||||||||||||||||||||
ბიოგრაფია
რედაქტირებაფარიდ სალმან ოღლუ მანსუროვი 1982 წლის 10 მაისში საქართველოს სსრ დმანისის რაიონში დაიბადა. 1984 წელს ოჯახთან ერთად ბაქოში გადავიდა. სიმაღლე 174 სმ, წონა 66 კგ. 1992 წლიდან მისი მწვრთნელის ალიგულუ ჰასანოვის ხელმძღვანელობით კლუბში „ნეფტჩი“ იწყებს ბერძნულ-რომაულ ჭიდაობაში ვარჯიშს და სპორტული კარიერის დასრულებამდე ამ კლუბის ღირსებას იცავდა. მისი პირველი დიდი მიღწევა 1997 წელს იუნიორთა შორის ჩატარებულ მსოფლიო ჩემპიონატში მეორე საპრიზო ადგილის დაკავება იყო.
2000 წელს აზერბაიჯანში ჭიდაობაში გამართულ ჩემპიონატში ფარიდ მანსუროვმა პირველი ადგილი დაიკავა, ხოლო ერთი წლის შემდეგ უზბეკეთში ახალგაზრდებს შორის მსოფლიო ჩემპიონატში პირველი ადგილი აიღო. ახალგაზრდა ასაკის მიუხედავად, ფარიდი თავისი მწვრთნელის, ელჩინ ჯაფაროვის ხელმძღვანელობით, 2002 წელს ჭიდაობაში უფროსი ასაკის წარმომადგენლებს შორის მსოფლიო ჩემპიონატისათვის იწყებს მზადებას და მეორე საპრიზო ადგილს იკავებს. 2003 წელს
გრან-პრის ტურნირში 2004 წლის ათენის ოლიმპიადაზე მონაწილეობის მიღების ლიცენზიას იგებს თავის წონით კატეგორიაში (66 კგ), ათენში პირველი ადგილს იკავებს და ოლიმპიური ჩემპიონი ხდება. ათენის ოლიმპიადაზე გამარჯვების შემდეგ ფარიდ მანსუროვი აზერბაიჯანის ახალგაზრდობისა და სპორტის სამინისტრომ, ასევე გაზეთ „ჩემპიონმა“ 2004 წლის ქვეყნის საუკეთესო სპორტსმენად დაასახელა.
2004 წლის ოლიმპიადის შემდეგ ზურგის მძიმე ტრავმა მიიღო და 3 წლის განმავლობაში ვეღარ შეძლო ვარჯიშის გაგრძელება. თუმცა, 2007 წელს მსოფლიო ჩემპიონატის წინ სპორტს უბრუნდება და იმავე წელს მსოფლიო ჩემპიონი ხდება ჭიდაობაში და ლიცენზიას ღებულობს პეკინის ოლიმპიადაზე მონაწილეობის მისაღებად. 2007 წელს ბაქოში ჰეიდარ ალიევის სახელობის სპორტულ-საკონცერტო კომპლექსში ბერძნულ-რომაულ ჭიდაობაში ჩატარებულ მსოფლიო ჩემპიონატში გამარჯვების მოპოვების შემდეგ, მეორედ ღებულობს აზერბაიჯანის საუკეთესო სპორტსმენის წოდებას.[2] ფარიდ მანსუროვი ასევე შედის ორგკომიტეტის შემადგენლობაში ბაქოში ოლიმპიადა-2016-ის ჩატარების მხარდასაჭერად.[3]2009 წელს დანიაში ჩატარებულ მსოფლიო ჩემპიონატზე ბერძნულ-რომაულ ჭიდაობაში ფარიდი პირველ ადგილს იკავებს. 2010 წლიდან კი იგი აზერბაიჯანის ეროვნული ნაკრების მწვრთნელი ხდება ბერძნულ-რომაულ ჭიდაობაში.
2016 წლის 6 სექტემბერს აზერბაიჯანის ახალგაზრდობისა და სპორტის სამინისტროს სპორტული განყოფილების უფროსის თანამდებობაზე ინიშნება.[4]
ჯილდო
რედაქტირებააზერბაიჯანის რესპუბლიკის პრეზიდენტის ილჰამ ალიევის 2004 წლის 4 სექტემბრის დადგენილებით აზერბაიჯანული სპორტის განვითარებაში შეტანილი დიდი დამსახურებისათვის, XVIII საზაფხულო ათენის ოლიმპიურ თამაშებზე მოპოვებული მიღწევებისათვის, მანსუროვი ფარიდ სალმან-ოღლი დაჯილდოებულ იქნა „დიდების“ ორდენით.[5]
რესურსები ინტერნეტში
რედაქტირებასქოლიო
რედაქტირება- ↑ Знаменосцем сборной Азербайджана на Олимпиаде-2008 будет Фарид Мансуров
- ↑ Олимпийского чемпиона по греко-римской борьбе Фарида Мансурова объявят лучшим спортсменом Азербайджана
- ↑ Ильхам Алиев подписал указ о создании Оргкомитета в поддержку заявки Олимпиады-2016 в Баку
- ↑ Фарид Мансуров: Надо больше внимания уделять местным спортсменам, но не стоит забывать, что легионеры также поднимают наш флаг
- ↑ Azərbaycan İdmançılarının Təltif Edilməsi Haqqında Azərbaycan Respublikası Prezidentinin Sərəncamı[მკვდარი ბმული] (აზერბაიჯანული)