ტრიგლავის ტბების ხეობა

ტრიგლავის ტბების ხეობა (სლოვენ. Dolina Triglavskih jezer) — კლდოვანი, ფრიალო ხეობა იულიუსის ალპებში, სლოვენიაში. ხეობა მდებარეობს ტრიგლავიდან სამხრეთ-დასავეთით. ხეობას ზოგჯერ ეწოდება შვიდი ტბის ხეობა (Dolina sedmerih jezer), თუმცა აქ 10 ტბაა და არა შვიდი. ასევე ცნობილია როგორც კლდოვანი ხეობის ზღვა (Dolina kamnitega morja).

შავი ტბა (Črno jezero). მდებარეობს ზღვის დონიდან 1,294 მეტრზე.

ტბები

ზღვის დონიდან ყველაზე დაბლა (1294 მ) არსებული ტბაა: შავი ტბა (Črno jezero). ამ ტბის ტერიტორიაზე ცხოვრობს ალპური ტრიტონი (ლათ. Ichthyosaura alpestris), რომელიც ენდემურ სახეობას წარმოადგენს. მის ზემოთ (ზ. დ. 1676 მ) არის ორი ერთმანეთთან დაკავშირებული ტბა, რომლებიც ორმაგი ტბის (Dvojno jezero) სახელითაა ცნობილი. 1838 მეტრზე მდებარეობს დიდი ტბა (Veliko jezero), ეს არის ყველაზე ღრმა და დიდი ტბა ხეობის ტბებს შორის. ყველაზე ზემოთ (1993 მ) მდებარეობს ტბა პოდსტენი (Jezero v Podstenju).

გავლენა კულტურაში

მარკო პოგაჩნიკის მიერ შექმნილ სლოვენიის გერბზე, ტრიგლავის მთის ქვეშ გამოსახული ორი ზოლი არის ტრიგლავის ტბების ხეობის გამომხატველი.^[1]

სქოლიო

↑ Intervju z Markom Pogačnikom, oblikovalcem slovenskega grba, ki ga je pripravila pred državnim praznikom 2003 novinarka Radia Maribor Barbara Leskovar Slovene. Ljudmila.org. ციტირების თარიღი: 22 June 2012.

[1] Intervju z Markom Pogačnikom, oblikovalcem slovenskega grba, ki ga je pripravila pred državnim praznikom 2003 novinarka Radia Maribor Barbara Leskovar Slovene. Ljudmila.org. ციტირების თარიღი: 22 June 2012.

[1]