ტრელებორგი
ტრელებორგი (შვედ. Trelleborg) — ქალაქი შვედეთში, ბალტიის ზღვის სანაპიროზე, ამავე სახელწოდების მუნიციპალიტეტის ადმინისტრაციული ცენტრი. 2010 წლის მონაცემებით მისი მოსახლეობა 28 290 ადამიანს შეადგენს.[1] წარმოადგენს შვედეთის ყველაზე სამხრეთით მდებარე ქალაქს.
| ქალაქი | |
|---|---|
|
კარლსტადი შვედ. Trelleborg | |
 ვიკინგების წრიული ციხესიმაგრე | |
| ქვეყანა |
 შვედეთი |
| კოორდინატები | 55°22′00″ ჩ. გ. 13°10′00″ ა. გ. / 55.36667° ჩ. გ. 13.16667° ა. გ. |
| პირველი ხსენება | 1257 |
| ფართობი | 13,66 კმ² |
| მოსახლეობა | 28 290 კაცი (2010) |
| სიმჭიდროვე | 2 071 კაცი/კმ² |
| სასაათო სარტყელი | UTC+1, ხოლო ზაფხულში UTC+2 |
| სატელეფონო კოდი | 0410 |
| ოფიციალური საიტი | https://www.trelleborg.se/ |
  | |
წყაროებში პირველად 1257 წელს მოიხსენიება. 1260 წელს, დანიის მეფე ერიკ IV-მ ტრელებორგი და მალმო შვედეთის მეფე ვალდემარ I-ს უსაჩუქრა, რადგან მისი ქალიშვილი სოფია ამ უკანასკნელის ვაჟს მიჰყვებოდა ცოლად. მიუხედავად ამისა, სულ მალე ტრელებორგი სკონეს მთლიან პროვინციასთან ერთად კვლავ დანიის შემადგენლობაში დაბრუნდა. 1619 წლის ხანძრის შემდეგ მან ქალაქის სტატუსი დაკარგა. 1658 წლის როსკილის ხელშეკრულებით იგი ისევ შვედეთს გადაეცა. 1840 წელს სავაჭრო დასახლების სტატუსი მიიღო, 1867 წელს კი ქალაქის.
ტრელებორგში მდებარეობს რეზინის პროდუქტების მწარმოებელი კომპანია Trelleborg AB-ის სათავო ოფისი. ქალაქის ნავსადგური ერთ-ერთი უდიდესია შვედეთში. ქალაქს გადაკვეთს ევროპული ავტომაგისტრალები — E22 და E06. პროფესიონალური საფეხბურთო კლუბი „ტრელებორგი“ შვედეთის უმაღლეს ლიგაში ასპარეზობს.
ქალაქის მთავარი ღირსშესანიშნაობაა წმინდა ნიკოლოზის ეკლესია, რომელიც შუა საუკუნეების ტაძრის ადგილას არქიტექტორმა ჰელგო ზეტერვალემმა ააშენა 1881-1883 წლებში.
გალერეა
რედაქტირება-
ქალაქის პანორამა -
წმინდა ნიკოლოზის ეკლესია -
.JPG){kind=small}
იხილეთ აგრეთვე
რედაქტირებარესურსები ინტერნეტში
რედაქტირება- ოფიციალური საიტი
- Mitt Trelleborg დაარქივებული 2006-09-06 საიტზე Wayback Machine.
სქოლიო
რედაქტირება- ↑ Tätorternas landareal, folkmängd och invånare per km2 2005 och 2010 Swedish. Statistics Sweden (14 December 2011). დაარქივებულია ორიგინალიდან — 10 იანვარი 2012. ციტირების თარიღი: 10 January 2012.