ტიგრაის რეგიონი
ტიგრაის რეგიონი (ამჰ. ትግራይ ክልል) — ეთიოპიის რეგიონი. ადრე ცნობილი იყო როგორც რეგიონი 1. მისი დედაქალაქია — ქალაქი მეკელე. მოსახლეობა — 4 960 003 ადამიანი[1] (2014 წელი), ფართობი — 41 409,95 კმ²[2]. ჩრდილოეთიდან ესაზღვრება ერიტრეა, დასავლეთიდან სუდანი, აღმოსავლეთიდან — აფარის რეგიონი და სამხრეთიდან — ამჰარის რეგიონი.
| რეგიონი | |||||
|---|---|---|---|---|---|
|
ტიგრაის რეგიონი ამჰ. ትግራይ ክልል | |||||
.jpg) | |||||
| |||||
| ქვეყანა |
 ეთიოპია | ||||
| ადმ. ცენტრი | მეკელე | ||||
| კოორდინატები | 13°34′30″ ჩ. გ. 39°05′15″ ა. გ. / 13.57500° ჩ. გ. 39.08750° ა. გ. | ||||
| ფართობი | 41 409,95 კმ² | ||||
| ოფიციალური ენა | Tigrinya | ||||
| მოსახლეობა | 4 960 003 კაცი (2014) | ||||
| სიმჭიდროვე | 119,78 კაცი/კმ² | ||||
| სასაათო სარტყელი | [[UTCUTC+3]] | ||||
| ოფიციალური საიტი | https://www.tig-gpr.org | ||||
 | |||||
ადმინისტრაციულ ცენტრ ქალაქ მეკელეს გარდა, სხვა მსხვილი ქალაქებია: ადი-გრატი, ადუა და აქსუმი.
ისტორია რედაქტირება
1991-2001 წლებში ტიგრაის პრეზიდენტი იყო გებრუ ასრატი, ხოლო 2001-2010 წლებში — ცეგაი ბერჰე. ამჟამად რეგიონის პრეზიდენტია დებრეციონ გებრემიქაელი.
2020 წლის ნოემბერში რეგიონმა კონფლიქტი წამოიწყო და დაუპირისპირდა ეთიოპიის ფედერალურ მთავრობას[3].
მოსახლეობა რედაქტირება
2007 წლის მონაცემებით რეგიონის მოსახლეობა შეადგენს 4 314 456 ადამიანს, ქალაქის მოსახლეობა შეადგენს — 19,53 %-ს. მოსახლეობის საშუალო სიმჭიდროვეა 50,54 ად./კმ². რეგიონში აღრიცხულია 985 654 ცალკეული მეურნეობა, ასე რომ, საშუალოდ 4,4 ადამიანი მოდის ერთ მეურნეობაზე (3,4 ადამიანი ქალაქის მოსახლეობაში და 4,6 ადამიანი — სოფლის). მოსახლეობის დაახლოებით 96,55 % მიეკუთვნება ტიგრაის ხალხს. სხვა ეთნიკური ჯგუფებია: ამჰარები — 1,63 %, ირობები — 0,71 %, აფარელები — 0,29 %, ორომოები — 0,17 % და სხვა. დღეისათვის ტიგრინიული ენა ყველაზე უფრო გავრცელებული ენაა რეგიონში, რაც შეადგენს რეგიონის მოსახლეობის სალაპარაკო ენის 96 %-ზე მეტს. მოსახლეობის 95,6 % — მართლმადიდებელი ქრისტიანია, 4 % — მუსლიმი, 0,4 % — კათოლიკე და 0,1 % — პროტესტანტია.
1994 წლის აღწერის მონაცემებით რეგიონის მოსახლეობა შეადგენდა 3 136 267 ადამიანს, საიდანაც 1 542 165 იყო მამაკაცი და 1 594 102 ქალი; ქალაქის მოსახლეობა იყო დაახლოებით 621 210 ადამიანი (14 %).
CSA-ს 2004 წლის მონაცემებით, მოსახლეობის მხოლოდ დაახლოებით 53,99 %-ს აქვს შესაძლებლობა ისარგებლოს სუფთა სასმელი წყლით. განათლების დონე შეადგენს 67,5 %-ს მამაკაცებისათვის და 33,7 %-ს ქალებისათვის. ბავშვთა სიკვდილიანობა შეადგენს — 67 ბავშვს 1000 დაბადებულზე (რაც, ქვეყნის საშუალოზე მაჩვენებელზე დაბალია — 77 ბავშვი 1000 დაბადებულზე).
ადმინისტრაციული დაყოფა რედაქტირება
- ცენტრალური ზონა (Mehakelegnaw Zone)
- აღმოსავლეთის ზონა (Misraqawi Zone)
- მეკელე (Mekele)
- სამხრეთის ზონა (Debubawi Zone)
- დასავლეთის ზონა (Mi’irabawi Zone)
სოფლის მეურნეობა რედაქტირება
2005 წლის მონაცემებით რეგიონში არსებობს 2 713 750 სული მსხვილი რქოსანი საქონელი (ეთიოპიის საერთო რაოდენობის 7 %), 72 640 ცხვარი, 208 970 თხა, 1200 ცხენი, 9190 ჯორი, 386 600 ვირი, 32 650 აქლემი.
იხილეთ აგრეთვე რედაქტირება
რესურსები ინტერნეტში რედაქტირება
- http://www.tigraionline.com/tigraistate.html
- http://www.ethiopar.net/English/basinfo/infotgry.htmn[მკვდარი ბმული]
- http://www.ocha-eth.org/Maps/downloadables/TIGRAY.pdf
- http://www.dppc.gov.et/downloadable/map/administrative/Atlas_Tigray.pdf დაარქივებული 2007-09-27 საიტზე Wayback Machine.
- http://www.effortgroup.org/ დაარქივებული 2011-02-26 საიტზე Wayback Machine.
- http://www.ethiopiantreasures.co.uk/pages/damo.htm დაარქივებული 2010-01-27 საიტზე Wayback Machine.
- http://www.ethiopiantreasures.co.uk/pages/aksum.htm დაარქივებული 2019-07-15 საიტზე Wayback Machine.
- http://www.ethiopiantreasures.co.uk/pages/mekele.htm დაარქივებული 2015-09-29 საიტზე Wayback Machine.
სქოლიო რედაქტირება
- ↑ Federal Demographic Republic of Ethiopia Central Statistical Agency – Population Projection of Ethiopia for All Regions At Wereda Level from 2014 – 2017. 2014 Population and Housing Census of Ethiopia. CSA (2014). დაარქივებულია ორიგინალიდან — 17 ოქტომბერი 2015. ციტირების თარიღი: 1 October 2014.
- ↑ 2011 National Statistics. დაარქივებულია ორიგინალიდან — 2015-09-23. ციტირების თარიღი: 2015-10-04.
- ↑ „Tigray crisis: Ethiopia orders military response after army base seized“. BBC News (ინგლისური). 2020-11-04. ციტირების თარიღი: 2020-11-05.