ტაგუ მებურიშვილი
ტაგუ ვარდენის ძე მებურიშვილი (დ. 28 აგვისტო, 1934, ფერეთა, ვანის რაიონი — გ. 10 აპრილი, 2007, თბილისი)[1] — ქართველი პოეტი.
| ტაგუ მებურიშვილი | |
|---|---|
| დაბადების თარიღი | 28 აგვისტო, 1934 |
| დაბადების ადგილი | ფერეთა, საქართველოს სსრ, სსრკ |
| გარდაცვალების თარიღი | 10 აპრილი, 2007 (72 წლის) |
| გარდაცვალების ადგილი | თბილისი, საქართველო |
| საქმიანობა | პოეტი |
| მოქალაქეობა |
 სსრკ საქართველო |
1957 წელს დაამთავრა ქუთაისის პედაგოგიური ინსტიტუტის ქართული ენისა და ლიტერატურის ფაკულტეტი. პირველი ლექსი გამოქვეყნა 1956 წელს, 1966 წელს გამოსცა პირველი პოეტური კრებული „მზე მაღლა იწევს“. პოეტური შემოქმედების გარდა დაკავებული იყო მთარგმნელობითი საქმიანობით, რედაქტორობით, აქტიურად მუშაობდა საბავშვო პოეზიაში. მისი შემოქმედება თარგმნილია რუსულ, სომხურ, თათრულ ენებზე.
1981 წლიდან ხელმძღვანელობდა საქართველოს მწერალთა კავშირის გამომცემლობა „მერანის“ პოეზიის განყოფილებას. 2007 წელს, 6 აპრილის მწერალთა კავშირის სხდომაზე დაპირისპირება მოუვიდა გამომცემლობის დირექტორ ვაჟა ოთარაშვილთან, ინციდენტიდან რამდენიმე დღეში, 2007 წლის 10 აპრილს, მწერალმა სიცოცხლე თვითმკვლელობით დაასრულა.[1]
ბიბლიოგრაფია რედაქტირება
პოეზია
- მზე მაღლა იწევს, 1966
- კარგი დღე, 1967
- მე ვფიქრობ შენზე, 1971
- ლექსები, 1972
- იმედის მზე, 1974
- ლექსები, 1975
- ლექსები, 1976
- თანდათან, 1979
- საკუთარ თავზე ერთი თავით მაღალი კაცი, 1980
- შენ უკვე მხედავ, 1982
- ლექსები და პოემები, 1985
- ისე, პირველად ვხედავდე თითქოს, 1986
- სიყვარული და ცდომილება, 1989
- თავისუფლების მზე ბორკილს ამსხვრევს, 1990
- დღემდე სულსგარდანახადი, 1991
- თვალს ვერ მოწყვეტ, 1992
- ერთტომეული, 1996
- ორი სიცოცხლე, 1998
- მცირე რჩეული, 2001
- რჩეული, 2005
ნარკვევები
- მებაღეც უნდა ვიკითხოთ, 1975
- შრომის შვილები, 1976
საბავშვო პოეზია
- მეხანძრე სპილოები, 1967
- ოქროს წიწილა, 1976
- ლუკა და ცუგა, 1986