სტანისლავ როსტოცკი
სტანისლავ იოსების ძე როსტოცკი (რუს. Станислав Иосифович Ростоцкий; დ. 21 აპრილი 1922, რიბინსკი — გ. 10 აგვისტო 2001, ვიბორგი) — რუსი კინორეჟისორი. სსრკ სახალხო არტისტი (1974). სკკპ წევრი 1951 წლიდან.
| სტანისლავ როსტოცკი | |
|---|---|
| დაბადების სახელი | სტანისლავ როსტოცკი |
| დაბადების თარიღი |
21 აპრილი 1922 რიბინსკი |
| გარდაცვალების თარიღი |
10 აგვისტო 2001 ვიბორგი |
| საქმიანობა | რეჟისორი |
| აქტიური | 1953–1989 |
| მეუღლე(ები) | ნინა მენშიკოვა |
ბიოგრაფია
რედაქტირებასტანისლავ როსტოცკი დაიბადა ქალაქ რიბინსკში, მამა — ექიმ იოსებ როსტოცკისა (1890—1965) და დედა —დიასახლისის ლიდია კარლის ასულის (1882—1964) ოჯახში. 1940 წელს სამხედროში გაწვევის შემდეგ როსტოცკი ხერხემლის დაავადების გამო ითვლებოდა არასამხედროდ. ამის და მიუხედავად 1942 წლის თებერვალში სტანისლავ როსტოცკი ჯარში გაიწვიეს. 1943 წლის სექტემბრის თვეში კი იგი ფრონტზე „გაიქცა“. მეორე მსოფლიო ომის მონაწილე 1944 წელს მძიმედ დაიჭრა. რის შედეგადაც 1944 წლის აგვისტოში იგი რიგითი გვარდიელისგან იქცა ომის მეორე ჯგუფის ინვალიდად.
1952 წელს დაამთავრა საკავშირო კინემატოგრაფიის სახელმწიფო ინსტიტუტის სარეჟისორო ფაკულტეტი (სერგეი ეიზენშტეინისა და გრიგორ კოზინცევის სახელოსნო). დადგა ფილმები: „მიწა და ხალხი“ (1956), „ეს მოხდა პენკოვოში“ (1958), „მაისის ვარსკვლავები“ (ჩეხ კინემატოგრაფისტებთან ერთად, 1959), „ჩვენი დორის გმირი“ (1967). როსტოცკის საუკეთესო ფილმებია „ორშაბათიც გათენდება“ (1968; სსრკ სახელმწიფო პრემია, 1970; ოქროს პრიზი მოსკოვის VI საერთაშორისო კინოფესტივალზე, 1969), „განთიადი კი აქ მშვიდია“ (1972, სსრკ სახელმწიფო პრემია, 1975, ლენინური პრემია 1980).
დაჯილდოებულია ლენინის ორდენით, 2 სხვა ორდენითა და მედლებით.
ფილმოგრაფია
რედაქტირება- 1953 — საიდუმლო გამოვლინება
- 1956 — მიწა და ხალხი
- 1958 — ეს მოხდა პენკოვოში
- 1959 — მაისის ვარსკვლავები
- 1962 — შვიდ ქარზე
- 1963 — ზამთრის ეტიუდები (მოკლემეტრაჟიანი)
- 1965 — მაქსიმ მაქსიმიჩი. ტამანი
- 1966 — ბელა
- 1967 — ჩვენი დორის გმირი
- 1968 — ორშაბათიც გათენდება
- 1972 — განთიადი კი აქ მშვიდია
- 1977 — შავყურა თეთრი ბიმი
- 1979 — პროფესია — კინომსახიობი
- 1980 — მფრინავი ჰუსარის ესკადრონი
- 1984 — ხეები იზრდებიან ქვებზეც
- 1989 — თედორე კუზკინის ცხოვრებიდან
რესურსები ინტერნეტში
რედაქტირებალიტერატურა
რედაქტირება- ქართული საბჭოთა ენციკლოპედია, ტ. 8, თბ., 1984. — გვ. 450.