ალ-ნასირი
ალ-ნასირ ლი-დინ ალლაჰი (არაბ. الناصر لدين الله; დ. 1158 — გ. 2/6 ოქტომბერი, 1225) — აბასიანთა სახალიფოს ხალიფა 1180-1225 წლებში. მისი წინამორბედის, ალ-მუსთადის ვაჟი. მან სცადა აღედგინა სახალიფოს პირვანდელი დომინანტური როლი და ამ საქმეში საოცარ წარმატებებს მიაღწია, მიუხედავად იმისა, რომ სახალიფო, ფაქტობრივად, უკვე დიდი ხნის განმავლობაში სხვა დინასტიებს ექვემდებარებოდა. ალ-ნასირმა საკუთარი გავლენა გაავრცელა არა მხოლოდ სახალიფოს დედაქალაქ ბაღდადზე, არამედ შუამდინარეთსა და სპარსეთზეც, ამიტომ ისტორიკოსები მას უკანასკნელ ეფექტურ აბასიან ხალიფად მიიჩნევენ. მისი ხანგრძლივი, 45 წლიანი მმართველობის განმავლობაში, ბაღდადში სიმშვიდე დამყარდა, სწავლა-განათლება და კულტურული ცხოვრება კი გამოცოცხლდა.
| ალ-ნასირ ლი-დინ ალლაჰი | |
|---|---|
| الناصر لدين الله | |
| აბასიანთა სახალიფოს ხალიფა | |
| მმართ. დასაწყისი: | 1180 |
| მმართ. დასასრული: | 1225 |
| წინამორბედი: | ალ-მუსთადი |
| მემკვიდრე: | აზ-ზაჰირი |
| პირადი ცხოვრება | |
| დაბ. თარიღი: | 1158 |
| გარდ. თარიღი: | 2/6 ოქტომბერი, 1225 |
| დინასტია: | აბასიანები |
სიცოცხლის უკანასკნელი სამი წელი ალ-ნასირი პარალიზებული და თითქმის ბრმა იყო, გარადცვალებამდე ოცი დღის განმავლობაში კი დიზენტერიით იტანჯებოდა.[1]
ლიტერატურა რედაქტირება
- Bosworth, C. E. (1968). „The Political and Dynastic History of the Iranian World (A.D. 1000–1217)“, The Cambridge History of Iran, Volume 5: The Saljuq and Mongol periods. Cambridge: Cambridge University Press, გვ. 1–202. ISBN 0-521-06936-X.
- William Muir, The Caliphate: Its Rise, Decline, and Fall.
- Hartmann, Angelika. An-Nasir li-Din Allah: Politik, Religion und Kultur in der späten Abbasidenzeit.
სქოლიო რედაქტირება
- ↑ ʻIzz al-Dīn Ibn al-Athīr, Years 589-629/1193-1231: The Ayyūbids After Saladin and the Mongol Menace, 260.
| წინამორბედი: ალ-მუსთადი |
ხალიფა 1180-1225 |
შემდეგი: აზ-ზაჰირი |