გურიის სამთავრო: განსხვავება გადახედვებს შორის

'''გურიის სამთავრო''' — ფეოდალური სამთავრო დასავლეთ საქართველოში, რომელიც არსებობდა XV საუკუნის 60-იანი წლებიდან XIX საუკუნის დასაწყისამდე [[გურია|გურიის]] ტერიტორიაზე. სამთავრო წარმოიქმნა [[საქართველოს სამეფო]]ს დაშლის პერიოდში, ადრინდელი [[გურიის საერისთავო]]ს ტერიტორიაზე და მოიცავდა [[მესხეთის ქედი|მესხეთის ქედს]], [[შავი ზღვა|შავ ზღვას]], [[რიონი|რიონსა]] და [[ჭოროხი|ჭოროხს]] შორის მდებარე ტერიტორიას. XV-XVII საუკუნეებში გურიის სამთავროში ზოგჯერ შედიოდა [[აჭარა]] და [[ჭანეთი]]. გურიის სამთავროს განაგებდნენ [[გურიელები]], მათი ძირითადი რეზიდენცია იყო [[ოზურგეთი]]. გურიელების ქვეშევრდომებად ითვლებოდნენ ადგილობრივი თავადები: [[თავდგირიძეები]], [[ნაკაშიძეები]], ბერიძეები და სხვები. გურიის ზოგმა მთავარმა მოახერხა იმერეთის მეფის ტახტის დროებით დაპატრონება. 1810 წელს შევიდა [[რუსეთის იმპერია|რუსეთის იმპერიის]] მფარველობის ქვეშ, ხოლო 1829 წელს რუსეთის იმპერიამ გააუქმა სამთავრო და მის ტერიტორიაზე შექმნა [[ოზურგეთის მაზრა]].