დარვინიზმი: განსხვავება გადახედვებს შორის

[[ფაილი:Charles Darwin by Julia Margaret Cameron 2.jpg |thumb| ჩარლზ დარვინი 1868 წელს]]

'''დარვინიზმი''' — ორგანული სამყაროს [[ევოლუცია|ევოლუციის]] (ისტორიული განვითარების) მატერიალისტური თეორია, რომელიც დაფუძნებულია [[ჩარლზ დარვინი]]ს მოძღვრებაზე. შეისწავლის ორგანული სამყაროს ევოლუციის მოვლენებს, მიზეზებს, გზებს, კანონზომიერებებს და მართვის ხერხებს. საკუთარი დაკვირვებების, თავისი დროის მეცნიერული ცოდნისა და სელექციის მიღწევათა განზოგადების საფუძველზე ჩარლ დარვინმა 1837-1858 წლებში ჩამოაყალიბა მოძღვრება [[ბუნებრივი გადარჩევა|ბუნებრივი გადარჩევის]] გზით [[მცენარეები|მცენარეთა]] და [[ცხოველები|ცხოველთა]] ახალი ფორმების წარმოშობის შესახებ. დარვინის თეორია გადმოცემულია მის უმთავრეს თხზულებაში „სახეობათა წარმოშობა ბუნებრივი გადარჩევის გზით, ანუ უკეთ შეგუებული ჯიშების გადარჩენა სიცოცხლისათვის ბრძოლაში“ ([[1859]]). თავისი შეხედულებები დარვინმა სხვა თხზულებებშიც განავითარა. დიდი წინააღმდეგობის მიუხედავად, დარვინიზმი საკმაოდ სწრაფად დამკვიდრდა მეცნიერებაში და საფუძვლად დაედო თანამედროვე ბიოლოგიას. დარვინიზმის გავრცელებასა და განმტკიცებაში დიდი ღვაწლი მიუძღვით ა. უოლესს, ტ. ჰაქსლის, ე. ჰეკელს, კ. ტიმირიაზევს, ვ. კოვალევსკის, ა. კოვალევსკის და სხვებს.

 

[[კატეგორია:ევოლუციური ბიოლოგია]]