'''პროლეტარული ინტერნაციონალიზმი''' — [[ინტერნაციონალიზმი]]ს [[მარქსიზმი|მარქსისტული]] კონცეფცია, რომელიც კლასობრივ ხასიათს ატარებს. იგი აღნიშნავს რასის, ეთნიკური წარმოშობისა და სქესის განურჩევლად ყველა ქვეყნის [[პროლეტარიატი]]ს ერთიანობას და სოლიდარობას [[ბურჟუაზია]]სთან ბრძოლაში. პროლეტარული ინტერნაციონალიზმი კლასობრივ ინტერესებს ეროვნულ ინტერესებზე მაღლა აყენებს. ინტერნაციონალიზმი განაპირობებს მუშათა მოძრაობის ერთიანობას [[კაპიტალიზმი]]ს დამხობისთვის [[კლასობრივი ბრძოლა|ბრძოლაში]]. კაპიტალიზმის არის გლობალური სისტემა, ამიტომაც მის წინააღმდეგ ბრძოლა საჭიროა მუშათა კლასის საერთო ძალებით. პროლეტარულ ინტერნაციონალიზმს გამოხატავს დევიზი '''„პროლეტარებო ყველა ქვეყნისა, შეერთდით!“''', რომელიც მოუხმობს ყველა ქვეყნის მუშებს გაერთიანდნენ რევოლუციური ბრძოლის დროშის ქვეშ სოციალური და ეროვნული ჩაგვრისაგან გასანთავისუფლებლად. იგი პირველად კარლ მარქსმა და ფრიდრიხ ენგელსმა წამოაყენეს და 1847 წელს დამტკიცდა როგორც კომუნისტთა კავშირის დევიზი. ამ მოწოდებით მთავრდება მარქსისა და ენგელსის „[[კომუნისტური პარტიის მანიფესტი]]“.
