[[1990-იანები|901990-იანი]] წლები ქართული კინოში სტაგნაციის პერიოდი იყო. უსახსრობის გამო ცალკეულ ფილმებზე მუშაობა წლების განმავლობაში ჭიანურდებოდა. მრავალი კინემატოგრაფისტი საერთოდ ჩამოშორდა შემოქმედებით პროცესს. ამ პერიოდში ფილმების მინიმალური რაოდენობა გადაიღეს. გამონაკლისი იყო 1996 წელს გადაღებული „[[შეყვარებული კულინარის 1001 რეცეპტი]]“, რომელიც ერთობლივი ქართულ-ფრანგული პროდუქცია იყო და ჯერჯერობით ყველაზე დიდ საერთაშორისო წარმატებას მიაღწია ქართულ ფილმთა შორის, მოხვდა რა [[ოსკარი]]ს ნომინანტთა სიაში [[ოსკარი საუკეთესო უცხოენოვანი ფილმისთვის|საუკეთესო უცხოური ფილმის]] კატეგორიაში. [[2013]] წელს რეჟისორ [[ზაზა ურუშაძე|ზაზა ურუშაძის]] მიერ გადაღებული ქართულ-ესტონური პროდუქცია „[[მანდარინები]]“ დასახელებული იყო [[ოქროს გლობუსი]]სა და ოსკარის საუკეთესო უცხოენოვანი ფილმის კატეგორიებში, მოიგო საერთაშორისო პრესის აკადემიის პრესტიჟული ჯილდო, გაიმარჯვა მრავალ საერთაშორისო ფესტივალებზე.
