'''ჯამნა''', ''ჯუმნა, იამუნა,'' — მდინარე ინდოეთში, მდინარე [[განგი|განგის]] უგრძესი და წყალუხვი შენაკადი. სიგრძე 1384 კმ. აუზის ფართობი 351 ათასი კვ.კმ. სათავე აქვს [[ზასკარის ქედი|ზასკარის ქედის]] (ცენტრალური [[ჰიმალაი]]) სამხრეთ კალთებზე. ზემოთში მიედინება ღრმა ხეობაში, შუაწელსა და ქვემოთში - [[ინდ-განგის დაბლობი|ინდ-განგის დაბლობზე]] იტოტება. გაზაფხულზე, [[მუსონები|მუსონური]] წვიმების გამო, იცის წყალმოვარდნები. დანარჩენ დროს შედარებით წყალმცირეა. სანაოსნოა ქალაქ [[დელი|დელის]] ქვემოთ. იყენებენ სარწყავად. ჯამნას ნაპირებზეა ქალაქები: დელი, [[აგრა]], [[ილაჰაბადი]].