მსვატი III: განსხვავება გადახედვებს შორის

'''მსვატი III''' — [[სვაზილენდი|სვაზილენდის]] მეფე [[1986]] წლიდან. სანამ მეფე სრულწლოვანი გახდებოდა, ქვეყანას [[რეგენტი|რეგენტის]] სტატუსით დედამისი - დედოფალი ნტომბი მართავდა სამი წლის განმავლობაში. დღეისათვის მეფე მსვატი წარმოდგენილია, როგორც ქვეყნის ადმინისტრაციული მეთაური, ხოლო დედამისი სვაზილენდის სულიერი და ეროვნული ლიდერია.

მეფე მსვატი III დაიბადა [[1968]] წლის [[19 აპრილი|19 აპრილს]]. ის მეფე [[სობჰიზა II|სობჰიზა II-ის]] 67 ვაჟიდან მეორე და დედოფალ ნტომბის ერთადერთი ვაჟი. პრინცი დაიბადა ქვეყნის მიერ დამოუკიდებლობის მოპოვებიდან რამდენიმე თვის შემდეგ. იგი დღეების იყო, როცა ის და დედამისი მეფის ერთ-ერთ სასახლეში გადაიყვანეს საცხოვრებლად. მისი დაბადების სახელი იყო მაკჰოსეტივე - ერის მეფე. მომავალმა მონარქმა განათლება სამშობლოში, [[დიდი ბრიტანეთი|დიდ ბრიტანეთსა]] და [[სამხრეთ აფრიკის რესპუბლიკა|სამხრეთ აფრიკის რესპუბლიკაში]] მიიღო. მამამისის სიკვდილის შემდეგ პრინცი ტახტის მემკვიდრედ დასახელდა. ამ დროს იგი არასრულწლოვანი (14 წლის) იყო და ბრიტანეთში სწავლობდა. სრულწლოვანების მიღწევისთანავე, [[1986]] წლის [[25 აპრილი|25 აპრილს]] მოეწყო მისი მეფედ კურთხევის ცერემონიალი. ის გახდა ყველაზე ახალგაზრდა მონარქი მსოფლიოში. ამ დროს იგი 18 წლის და 6 დღის იყო. ამ დღიდან მოყოლებული, მსვატი დედასთან ერთად მართავს ქვეყანას.

[[სვაზილენდი|სვაზილენდის]] დღევანდელ მონარქს 13 ცოლი და 27 შვილი ჰყავს.

* გ. ჭანტურია, ს. ჭანტურია - მსოფლიოს მონარქები, თბ., 2008 წ.

[[კატეგორია: სვაზილენდის მეფეები]]