სონსონატეს დეპარტამენტი

სონსონატე (ესპ. Sonsonate) — სალვადორის ერთ-ერთი ადმინისტრაციული დეპარტამენტი, მდებარეობს ქვეყნის დასავლეთ ნაწილში. დედაქალაქია სონსონატე. შედგება 16 მუნიციპალიტეტისგან.

დეპარტამენტი
სონსონატეს დეპარტამენტი Departamento de Sonsonate
ქვეყანა	სალვადორი
ადმ. ცენტრი	Sonsonate
შიდა დაყოფა	Central Sonsonate, Western Sonsonate, Northern Sonsonate და Eastern Sonsonate
კოორდინატები	13°43′00″ ჩ. გ. 89°44′00″ დ. გ.
დაარსდა	1824
ფართობი	1 226 კმ²
მოსახლეობა	518 522 კაცი (2006)
სიმჭიდროვე	358,04 კაცი/კმ²
სასაათო სარტყელი	UTC−6
სონსონატეს დეპარტამენტი ვიკისაწყობში

დეპარტამენტის ფართობი 1 226 კმ²-ია, მოსახლეობა — 518 522 ადამიანი (2006 წ).

შეიქმნა 1824 წლის 12 ივნისს. 1859 წლის 29 იანვარს, სალვადორის ეროვნულმა პარლამენტმა გადაწყვიტა სონოსნატესთვის ჩამოერთვა ქალაქები — აპანეკა, სან-პედრო-პუშტლა, გუაიმანგო და ხუხუტლა, რომლებიც სანტა-ანას დეპარტამენტს მიუერთა.

1834 წელს, სონსონატე ცენტრალური ამერიკის ფედერაციული რესპუბლიკის მეორე დედაქალაქი იყო.

დეპარტამენტი ინარჩუნებს ადგილობრივთა რამდენიმე უძველეს ტრადიციას, აქ სახლობენ სალვადორში შემორჩენილი ნაჰუატლზე მოლაპარაკე ადამიანთა უმცირესი ჯგუფი.

სონსონატეს დეპარტამენტი უკიდურესად სასოფლო-სამეურნეო არეალია, გამოირჩევა განსაკუთრებით ნაყოფიერი ვულკანური ნიადაგით, რომელიც ერთ დროს ყველაზე ღირებული რესურსი იყო ესპანელ კონკისტადორთათვის ცენტრალურ ამერიკაში, რომლებსაც აქ კაკაოს პლანტაციები ჰქონდათ გაშენებული. სახელი სონსონატე „400 მდინარის ადგილს“ ნიშნავს, ვინაიდან ნალექების საშუალო წლიური რაოდენობა აქ 2 000 მმ-ია.

გალერეა

• 
  დაწნული ავეჯით ვაჭრობა ნაუისალკოში

იხილეთ აგრეთვე

• სალვადორის დეპარტამენტები

რესურსები ინტერნეტში

• http://www.amss.gob.sv/pages/municipios/ahuachapan.htm დაარქივებული 2009-06-09 საიტზე Wayback Machine.
• http://www.4elsalvador.com/departamento_de_ahuachapan.htm დაარქივებული 2008-05-01 საიტზე Wayback Machine.

ლიტერატურა

• Atlas Geográfico Universal y de El Salvador. Editorial Océano. Edición 1995 ISBN 84-494-0135-6