სემ-რეიბერნის წყალსაცავი
სემ-რეიბერნის წყალსაცავი (ინგლ. Sam Rayburn Reservoir) — წყალსაცავი აშშ-ში. მდებარეობს სამხრეთ-დასავლეთის ცენტრალურ რეგიონში, ქალაქ ბომონტიდან ჩრდილოეთით 110 კილომეტრში, ზღვის დონიდან 50 მ სიმაღლეზე.
| სემ-რეიბერნის წყალსაცავი | |
|---|---|
| ინგლ. Sam Rayburn Reservoir | |
 სემ-რეიბერნის წყალსაცავი | |
| კოორდინატები: 31°03′40″ ჩ. გ. 94°06′22″ დ. გ. / 31.06111° ჩ. გ. 94.10611° დ. გ. | |
| ქვეყანა |
 აშშ |
| ტერიტორიული ერთეული | ტეხასის შტატი |
| ზღვის დონიდან | 50 მ |
| ფართობი | 463 კმ² |
| შევსების წელი | 1965 |
  | |
 | |
წყალსაცავი საზრდოობს მდინარე ნეჩესის შენაკადის ანჯელინას წყლით. ფართობი 463 კმ², რითაც წარმოადგენს ტეხასის შტატში მდებარე უდიდეს ხელოვნურ ტბას. წყალსაცავის მშენებლობა დაიწყო 1956 წლის 7 სექტემბერს. ამოქმედდა 1965 წლიდან. იგი უმთავრესად გამოიყენება, როგორც რეზერვუარი წყალდიდობასთან ბრძოლაში და ჰესის ასამუშავებლად.
სემ-რეიბერნის წყალსაცავის აშენება თავისი კეთილმოწყობილი პლაჟით დაჯდა დაახლოებით 66 მლნ. აშშ დოლარი. მდიდარია თევზით, რის გამოც განვითარებულია თევზჭერა. მოიპოვება დიდპირა ქორჭილა, მზის ქორჭილა და არხის ლოქო. დასვენების პოპულარული ადგილია.