საცხავატლოს ეკლესია

საცხავატლოს ეკლესია — არქიტექტურული ძეგლი დუშეთის მუნიციპალიტეტის სოფელ საცხავატლოს დასავლეთით, სასაფლაოსთან. თარიღდება შუა საუკუნეებით. ნატეხი ქვითა და შირიმის კვადრებით ნაგები დარბაზული ეკლესიისგან (8 x 4,6 მეტრი) შემორჩენილია მხოლოდ აფსიდის ნაწილი (სიმაღლე 1,6 მეტრი), რომლის გვერდებში თითო მცირე ზომის სწორკუთა ნიშია.

ლიტერატურა

• წერეთელი კ., საქართველოს ისტორიისა და კულტურის ძეგლთა აღწერილობა, ტ. 2, თბ., 2008. — გვ. 308.