საქსოფონი, ან საქსი (გამომგონებლის გვარი საქსი და ბერძნ. phone — ბგერა) — სასულე მუსიკალური საკრავი. გამოიგონა ბელგიელმა ოსტატმა ადოლფ საქსმა. წარმოადგენს პარაბოლურ მილს, რომელსაც აქვს ნისკარტისებური მუნდშტუკი და ცალფა ღერო. საქსოფონის ოჯახი შედგება 7 ნაირსახეობისაგან — სოპრანინოდან კონტრაბასამდე. სიმფონიურ ორკესტრში პირველად გამოიყენა ჟორჟ ბიზემ. საქსოფონი ჯაზური ორკესტრის ძირითადი საკრავია. იხმარება სასულე, საესტრადო და სიმფონიურ ორკესტრებში, აგრეთვე სოლო შესრულებისათვის.[1] აქვს ძალზე ძლიერი, გამორჩეული ტემბრის მქონე, გამომსახველი ბგერა, დიდი ტექნიკური შესაძლებლობები.[2]

ალტო საქსოფონი

სქოლიო რედაქტირება

  1. ქართული საბჭოთა ენციკლოპედია, ტ. 9, თბ., 1985. — გვ. 199.
  2. საქსოფონი — ხელოვნების ენციკლოპედიური ლექსიკონი