საქართველო-ჩეხეთის ურთიერთობები

საქართველო-ჩეხეთის ურთიერთობები — საქართველოსა და ჩეხეთის რესპუბლიკას შორის დიპლომატიური ურთიერთობები გაფორმდა 1993 წლის 1 იანვარს. საქართველოსა და ჩეხეთს გააჩნიათ საელჩოები თბილისსა (ილია ჭავჭავაძის ქ. 37)^[1] და პრაღაში (მალოსტრანსკე ნამესტი 2/28)^[2]. 2009 წლის 14 სექტემბერს საქართველოს საგარეო საქმეთა მინისტრის მოადგილემ, დავით ჯალაღონიამ, მიიღო ჩეხეთის სრულუფლებიანი და საგანგებო ელჩი საგარეო საქმეთა სამინისტროში, სადაც მხარეებმა განიხილეს ქვეყნებს შორის ურთიერთობები მრავალ დარგში. ^[3]2009 წლის 28 ოქტომბერს ჩეხეთის საელჩომ ჩაატარა დამოუკიდებლობის დღისადმი მიძღვნილი საღამო, სადაც დაპატიჟებულნი იყვნენ საქართველოს პოლიტიკური სპექტრისა და დიპლომატიური კორპუსის წარმომადგენლები. ჩეხეთის სრულუფლებიანი და საგანგებო ელჩი საქართველოში არის ივან იესტრჟაბი^[4], ხოლო საქართველოს ჩეხეთში — ნინო ნაკაშიძე.^[5]