სანდრა რულოვსი
სანდრა ელისაბედ სააკაშვილი-რულოვსი (ნიდერლ. Sandra Elisabeth Saakasjvili-Roelofs; დ. 23 დეკემბერი, 1968) — საქართველოს პირველი ლედი 2004–2007 და 2008–2013 წლებში, მიხეილ სააკაშვილის მეუღლე.
| სანდრა რულოვსი | |
|---|---|
.jpg) სანდრა რულოვსი 2009 წელს | |
| მშობლიური სახელი | ნიდერლ. Sandra Roelofs |
| დაბადების სახელი | სანდრა ელისაბედ რულოვსი |
| დაბადების თარიღი |
23 დეკემბერი, 1968 ნიდერლანდები, ტერნეზენი |
| მოქალაქეობა | საქართველო |
| განათლება | იურისტი |
| პროფესია | პირველი ლედი, მწერალი |
| რელიგია | მართლმადიდებელი |
| მეუღლე(ები) | მიხეილ სააკაშვილი |
| შვილ(ებ)ი | ედუარდ და ნიკოლოზ სააკაშვილი |
| საიტი | გვერდი პრეზიდენტის ოფიციალურ ვებ-საიტზე |
| ხელმოწერა |
 |
დაიბადა ნიდერლანდების ქალაქ ტერნეზენში. დაამთავრა ბრიუსელის უცხო ენათა ინსტიტუტი და სტრასბურგის ადამიანის უფლებათა საერთაშორისო ინსტიტუტი. მიხეილ სააკაშვილს შეხვდა 1993 წელს სტრასბურგში. მოგვიანებით, იმავე წელს ნიუ-იორკში გადადიან, სადაც ჯერ კოლუმბიის უნივერსიტეტში, შემდეგ კი ჰოლანდიურ იურიდიულ ფირმაში მუშაობდა. 1996 წელს წყვილი საქართველოში დაბრუნდა, სადაც რულოვსი წითელი ჯვრის საერთაშორისო კომიტეტში, შემდეგ კი ნიდერლანდის სამეფოს საკონსულოში მუშაობს თბილისში.
1998 წელს რულოვსი აფუძნებს საქველმოქმედო ფონდს „სოკო“, რომელიც კურირებს ჰოლანდიური კომპანიების და კერძო პირების მიერ დაფინანსებულ ჰუმანიტარულ პროექტებს.
1999–2003 წლებში რულოვსი თბილისის სახელმწიფო უნივერსიტეტის მოწვეული ლექტორი იყო, სადაც ის ასევე მუშაობდა საკუთარ სადოქტორო თეზისზე ბელგიაში ფრანგული ენის ლინგვისტურ ასპექტებზე. მშობლიური ჰოლანდიურის გარდა სანდრა რულოვსი ასევე ფლობს ფრანგულს, ინგლისურს, გერმანულს, რუსულსა და ქართულს.
ქ-ნ რულოვსსა და მიხეილ სააკაშვილს ჰყავთ ორი ვაჟი — ედუარდი და ნიკოლოზი.
სანდრა რულოვსი ავტორია ავტობიოგრაფიული წიგნის „იდეალისტის ისტორია“ [1], რომელიც გამოიცა 2005 წელს. 2007 წელს რულოვსი აფუძნებს პირველ კლასიკური მუსიკის რადიოსადგურს მთელს კავკასიაში, რადიო მუზას.
2019 წელს იყო ზუგდიდის მერობის კანდიდატი გაერთიანებული ოპოზიციიდან. მიიღო 24 096 ხმა (42,83%) და დაიკავა მეორე ადგილი.[2]
რესურსები ინტერნეტში
რედაქტირება
ვიკისაწყობში არის გვერდი თემაზე: სანდრა რულოვსი- სანდრა რულოვსის ბიოგრაფია საქართველოს პრეზიდენტის ოფიციალურ საიტზე დაარქივებული 2011-11-01 საიტზე Wayback Machine.
სქოლიო
რედაქტირება- ↑ Sandra Elisabeth Roelofs: De first lady van Georgië: Het verhaal van een idealiste. Uitgeverij Archipel, Amsterdam/Antwerpen 2005, ISBN 90-6305-170-0.
- ↑ cesko.ge[მკვდარი ბმული]