სანგინი
სხვადასხვა ტონის წითელ-ყავისფერი ფანქრები ბუდის გარეშე
სანგინი (ფრანგ. sanguine < ლათ. sanguineus — სისხლისფერი) — სხვადასხვა ტონის წითელ-ყავისფერი ფანქრები (ბუდის გარეშე). არსებობს ბუნებრივი (ნატურალური) და ხელოვნური. შედგება კაოლინისა და რკინის ჟანგეულებისაგან,[1] რომელსაც დამატებული აქვს წებოვანი ნივთიერებები. ყველაზე ხშირად გამოიყენება მუქი წითელ-ყავისფერი ტონის, ხორცისფერთან ახლოს მდგომი. სანგინით შესრულებული ნახატები ჩვეულებრივ ძალიან ფერწერულია. მუშაობის დროს შესაძლებელია მისი დასველება და შტრიხის სისქისა და სიმჭიდროვის გამრავალფეროვნება, წარუმატებელი ხაზების ადვილად წაშლა. არ საჭიროებს ფიქსაციას.[2] სანგინის („წითელი ცარცის“) დამზადების ტექნიკა ცნობილია რენესანსის ეპოქიდან (ლეონარდო და ვინჩი, რაფაელი). განსაკუთრებით ფართოდ გავრცელდა XVIII საუკუნეში ნატურიდან ხატვისას.[1]
სქოლიო რედაქტირება
- ↑ 1.0 1.1 ქართული საბჭოთა ენციკლოპედია, ტ. 9, თბ., 1985. — გვ. 78.
- ↑ Сангина // Большая российская энциклопедия. т. 29. — М., 2015. — стр. 312.