სამუელის ეპიტაფია

სამუელის ეპიტაფია — ძველ ბერძნულ ენაზე შესრულებული წარწერა, ეპიტაფია, კირქვის საფლავის ქვაზე. აღმოჩენილია 1934 წელს, ბიზანტიური პერიოდის სამონასტრო სასაფლაოზე, იერუსალიმი.

მასალა	კირქვა
დამწერლობა	ძველი ბერძნული ენა
შექმნის თარიღი	V-VI საუკუნე
აღმოაჩინეს	1934 წელი იერუსალიმი
ამჟამინდელი ადგილმდებარეობა	როკფელერის მუზეუმი, იერუსალიმი

წარწერაში ნახსენებია „იბერიელი ეპისკოპოსი, სამუელი“ და მის მიერ დავითის კოშკის მიდამოში საფლავის ან მონასტრის შეძენა. არასწორი ბერძნულის გამო გაურკვეველია ეპისკოპოსმა მონასტერი იყიდა თუ საფლავი. ივარაუდება, რომ ეკლესია ეკუთვნოდა ქართველ სამღვდელოებას და შესაძლოა ემსახურებოდა იერუსალიმის მთელ ქართულ სამონასტრო თემს. ფილა ნაწილობრივ გატეხილია და მისი მთელი მარჯვენა კუთხე დაკარგულია. იგი თარიღდება ახ. წ. V საუკუნის ბოლოს ან VI საუკუნის დასაწყისით. წარწერა ინახება როკფელერის მუზეუმში.

წარწერა

ΝΗΜΑΔΙΑΦΡΣΑΜ

ΠΙΣΚΟΠΟΥΙΒΕΡΩ
ΚΤΗΣΜΟΝΗΣΑΥΤΟΥΟΗΓ

ΡΑΣΑΝΕΝΤΩΠΥΡΓΩΔΑΔ

• თარგმანი: „საფლავი სამუელისა, იბერიელი ეპისკოპოსისა და მისი მონასტრისა, რომელიც იყიდა დავითის კოშკის მიდამოებში.“

იხილეთ აგრეთვე

• პალესტინის ქართული წარწერები
• ნაზარეთის ქართული წარწერები
• უმ-ლაისუნის ქართული წარწერა

ლიტერატურა

• Yana Tchekhanovets, The 1930s excavations at the YMCA site in Jerusalem and the Byzantine ‘Monastery of the Iberians’
• Yana Tchekhanovets, Handbook of Oriental Studies. Section 1 The Near and Middle East // The Caucasian Archaeology of the Holy Land, Armenian, Georgian and Albanian communities between the fourth and eleventh centuries CE, Brill, 2018, ISBN 978-90-04-36224-6.