საგარეჯოს ნაეკლესიარი

საგარეჯოს ნაეკლესიარი — არქიტექტურული ძეგლი ქალაქ საგარეჯოში. მდებარეობს ერეკლე მეორის ქუჩაზე.

შემორჩენილი ნანგრევებით ირკვევა, რომ შენობა რიყის ქვითა და კირის ხსნარით ყოფილა აგებული. ამჟამად მის ადგილას დავით გარეჯელის სახელობის ნიში დგას. ამავე ქუჩაზე მეორე ნაეკლესიარიცაა. სავარაუდოდ ერთ-ერთი ნაეკლესიარის ადგილზე მდგარა წმინდა ნინოს სახელობის ეკლესია, რომელიც წერილობითი დოკუმენტების თანახმად 1823 წელს „ძლიერი ქარისაგან“ დანგრეულა.

ლიტერატურა

• დვალი თ., საქართველოს ისტორიისა და კულტურის ძეგლთა აღწერილობა, ტ. 1-III, თბ., 2019. — გვ. 60.