რუსუდან ბულუსაშვილი
რუსუდან ბულუსაშვილი (დ. 8 მაისი, 1928, თბილისი — გ. 8 ივნისი, 2021, იქვე) — ქართველი ექიმი, მორფოლოგი, ჰისტოქიმიკოსი, ელექტრონული მიკროსკოპიის ერთ-ერთი დამფუძნებელი საქართველოში, მედიცინის მეცნიერებათა დოქტორი, პროფესორი.
| რუსუდან ბულუსაშვილი | |
|---|---|
 | |
| დაბ. თარიღი | 8 მაისი, 1928 |
| დაბ. ადგილი | თბილისი, საქართველოს სსრ, სსრკ |
| გარდ. თარიღი | 8 ივნისი, 2021 (93 წლის) |
| გარდ. ადგილი | თბილისი, საქართველო |
| მოქალაქეობა |
 სსრკ საქართველო |
| საქმიანობა | ექიმი |
| ალმა-მატერი | თბილისის სახელმწიფო სამედიცინო უნივერსიტეტი |
| სამეცნიერო ხარისხი | მედიცინის მეცნიერებათა დოქტორი |
| მეუღლე | ლუარსაბ შარაშიძე |
ბიოგრაფია
რედაქტირებადაიბადა 1928 წლის 8 მაისს თბილისში. 1934-1945 წლებში სწავლობდა თბილისის I საშუალო სკოლაში; 1945-1951 წლებში თბილისის სახელმწიფო სამედიცინო ინსტიტუტის სამკურნალო ფაკულტეტზე. 1951 წელს ჩააბარა ასპირანტურაში.
1955–1960 წლებში იყო ქირურგიის ინსტიტუტის უმცროსი მეცნიერ-თანამშრომელი და ამავე ინსტიტუტის უფროსი მეცნიერ თანამშრომელი 1960–1970 წლებში და ელექტრონული მიკროსკოპიის ლაბორატორიის გამგე 1970-1991 წლებში.
ავტორია 90 სამეცნიერო ნაშრომის და 2 მონოგრაფიისა, რომლებიც ეხება ქირურგიული და სიმსივნური ზრდის საკითხებს. მონაწილეობდა საბჭოთა კავშირის და ევროპის ქვეყნების სიმპოზიუმებსა და კონგრესებში მორფოლოგიასა და ჰიჰსტოქიმიაში.
1955 წელს თბილისსა და მოსკოვში დაიცვა საკანდიდატო დისერტაცია თემაზე — „ნერვული სისტემის როლი ინდუცირებული სიმსივნეების განვითარებაში.“ 1968 წელს დაიცვა სადოქტორო დისერტაცია თემაზე — „ინდუცირებული სიმსივნეების ჰისტოქიმიური თავისებურებანი.“
ბიბლიოგრაფია
რედაქტირება- უჯრედის ულტრასტრუქტურული ორგანიზაცია თბილისი, საბჭ. საქართველო, 1987 გვ. 171
- ნერვული სისტემის სტრუქტურული ცვლილებები კანის ინდუცირებული კიბოს დროს, თბილისი, საქ. სსრ. მეცნ. აკად. გამ-ბა და სტ., 1961 გვ. 90
ლიტერატურა
რედაქტირება- მამულაშვილი, თინათინ, ვინ ვინაა თანამედროვე ქართულ სამედიცინო მეცნიერებაში: თანამედროვე ქართველ მედიკოსთა ბიოგრაფიული ენციკლოპედია, თბ.,: ქართული ბიოგრაფიული ცენტრი, 2000. — გვ. 48. 394 გვ, ISBN 9992852291.
რესურსები ინტერნეტში
რედაქტირება
შეგიძლიათ იხილოთ მედიაფაილები თემაზე „რუსუდან ბულუსაშვილი“ ვიკისაწყობში.- რუსუდან ბულუსაშვილი — საქართველოს ბიოგრაფიული ლექსიკონი
