როსა მონტერო
როზა მონტერო გაიო ( დ. 3 იანვარი, 1951 ) — ესპანელი ჟურნალისტი და თანამედროვე მხატვრული ლიტერატურის ავტორი.
| როსა მონტერო | |
|---|---|
 | |
| დაბადების თარიღი | 3 იანვარი, 1951[1] [2] [3] (73 წლის) |
| დაბადების ადგილი | მადრიდი |
| საქმიანობა | ჟურნალისტი, მწერალი და რომანისტი |
| მოქალაქეობა |
 ესპანეთი |
| პერიოდი | 2020 |
| Magnum opus | La Ridícula Idea de No Volver |
| ჯილდოები | Alcalá City Awards, Spanish Literature National Prize[4] და Gold Medal of Merit in the Fine Arts[5] |
| ხელმოწერა |
.png) |
| საიტი | rosamontero.es/index.html |
ბიოგრაფია
რედაქტირებატორეადორისა და დიასახლისის ქალიშვილი, მონტერო დაიბადა მადრიდის რაიონში, კუატრო კამინოსი . ტუბერკულოზმა აიძულა იგი სახლში ყოფილიყო ხუთიდან ცხრა წლის ასაკამდე. ამ პერიოდში ინტენსიურად კითხულობდა და წერდა. შემდეგ იგი ჩაირიცხა მადრიდის ბეატრიზ გალინდოს ინსტიტუტში და 17 წლის ასაკში დაიწყო სწავლა მადრიდის უნივერსიტეტის ფილოსოფიის და ხელოვნების სკოლაში ( Facultad de Filosofía y Letras ). მომდევნო წელს ჩაირიცხა ჟურნალისტიკის სკოლაში. უნივერსიტეტის წლებში მონაწილეობდა დამოუკიდებელ თეატრალურ ჯგუფებში.
მწერლობა
რედაქტირებასკოლის დამთავრების შემდეგ მუშაობდა ჟურნალისტად, ხოლო 1976 წელს დაიწყო მუშაობა El País- ში. 1977 წელს მან დაიწყო ინტერვიუების გამოქვეყნება გაზეთის საკვირაო გამოცემაში, ხოლო მომდევნო წელს მოიპოვა პრიზი „მანუელ დელ არკო“ თავისი ნამუშევრებისთვის და გახდა პირველი ქალი, რომელმაც მიიღო ეს პრიზი. მან ასევე გამოაქვეყნა თავისი პირველი რომანი 1979 წელს - Crónica del desamor (მტრობის ქრონიკა). 1980 წელს მოიპოვა პრიზი ეროვნულ ჟურნალისტიკაში თავისი სტატიებისა და ლიტერატურული მოხსენებებისთვის და იმავე წელს დასახელდა El País Semanal- ის მთავარ რედაქტორად. 1981 წელს მან გამოაქვეყნა La función Delta (დელტას ფუნქცია), ხოლო მომდევნო წელს გამოვიდა მისი ინტერვიუების კრებული, რომელიც ადრე გამოქვეყნდა El País-ში, სახელწოდებით „Cinco años de país“ ( ელ პაისის ხუთი წელი). ამ ნამუშევრებს 1983 წელს მოჰყვა რომანი Te trataré como una reina (მე დედოფალივით მოგექცევი) , რომელიც ავტორისათვის კომერციული წარმატება აღმოჩნდა. მას მიენიჭა მსოფლიო პრიზი ინტერვიუებისთვის 1987 წელს. 1990 წელს გამოაქვეყნა Temblor (ტრემორი).
მისი პირველი საბავშვო მოთხრობა El nido de los sueños (სიზმრების ბუდე) გამოიცა 1992 წელს, შემდეგ წლებში კი გამოქვეყნდა Bella y Oscura (ლამაზი და ბნელი, 1993) და La Vida desnuda (შიშველი ცხოვრება, 1994). 1994 წელს მიენიჭა პრემია ჟურნალისტიკაში, ხოლო 1997 წელს მიიღო საგაზაფხულო რომანის პრემია ნაწარმოებისთვის La hija del caníbal (კანიბალის ქალიშვილი). 1999 წელს მან გამოაქვეყნა Pasiones (ვნებები), ხოლო 2002 წელს Estampas bostonianas y otros viajes . 2003 წელს მან გამოაქვეყნა, როგორც თავად თვლის, ერთ-ერთი საუკეთესო ნამუშევარი, La Loca de la Casa (სახლის გიჟი). ამ წიგნმა მოიპოვა Qué Leer-ის პრემია ესპანეთში გამოცემული საუკეთესო წიგნისთვის 2003 წელს და გრინცანე კავურის პრიზი საუკეთესო უცხოური წიგნისთვის, რომელიც გამოიცა იტალიაში 2004 წელს. 2005 წელს მან გამოაქვეყნა Historia del Rey Transparente (გამჭვირვალე მეფის ამბავი), რომელმაც ასევე მოიპოვა Qué Leer Prize, როგორც საუკეთესო წიგნმა, რომელიც გამოქვეყნდა ესპანეთში 2005 წელს.
მისი მოთხრობა El Abuelo (ბაბუა) შეტანილია თანამედროვე ესპანელ მწერალთა მოკლე მოთხრობების ანთოლოგიაში ( Días de lluvia), რომელიც რედაქტირებულია მონსერატ ლუნატის მიერ, ინგლისურ თარგმანთან ერთად. [6]
ლიტერატურა
რედაქტირება- Spinrad, Norman (Oct–Nov 2013). „Genre versus literature“. On Books. Asimov's Science Fiction. 37 (10–11): 182–191.CS1-ის მხარდაჭერა: თარიღის ფორმატი (link) Review of Tears in rain.
რესურსები ინტერნეტში
რედაქტირებასქოლიო
რედაქტირება- ↑ NooSFere — 1999.
- ↑ Internet Speculative Fiction Database — 1995.
- ↑ ბროკჰაუზის ენციკლოპედია
- ↑ https://www.culturaydeporte.gob.es/cultura/libro/premios/listado-de-premios/premios-nacionales/letras-espanolas/presentacion.html
- ↑ https://www.culturaydeporte.gob.es/actualidad/2022/12/221227-cmin-medallas-bbaa.html
- ↑ Rainy Days - Días de lluvia: Short Stories by Contemporary Spanish Women Writers edited by Montserrat Lunati. Aris and Phillips Hispanic Classics, 2018 ISBN 978-1-910-57230-6.