რობერტ ფიცო (სლოვაკ. Robert Fico; დ. 15 სექტემბერი 1964, ტოპოლჩანი, სლოვაკეთი) — სლოვაკეთის პრემიერ-მინისტრი 2023 წლის 25 ოქტომბრიდან. აღნიშნული თანამდებობა ეკავა ასევე 2006-2010 და 2012-2018 წლებში.

რობერტ ფიცო
რობერტ ფიცო
სლოვაკეთის პრემიერ-მინისტრი
ამჟამინდელი თანამდებობა
დაიკავა25 ოქტომბერი, 2023
პრეზიდენტი  ზუზანა ჩაპუტოვა
წინამორბედილუდოვიტ ოდორი

თანამდებობაზე ყოფნის დრო
4 აპრილი, 2012 – 22 მარტი, 2018
პრეზიდენტიივან გაშპაროვიჩი,
ანდრეი კისკა
წინამორბედიივეტა რადიჩოვა

სლოვაკეთის პრემიერ-მინისტრი
თანამდებობაზე ყოფნის დრო
4 ივლისი, 2006 – 8 ივნისი, 2010
პრეზიდენტიივან გაშპაროვიჩი
წინამორბედიმიკულაშ ძურინდა
მემკვიდრეივეტა რადიჩოვა

დაბადებული15 სექტემბერი, 1964
ტოპოლჩანი, ჩეხოსლოვაკია
მეუღლესვეტლანა სვობოდოვა
შვილებიმიხეილ ფიცო
განათლებაკომენსკის უნივერსიტეტი
ხელმოწერა

წარსულში კომუნისტური პარტიის წევრი იყო, ხოლო 90-იანი წლების ბოლოს დააარსა სოციალ-დემოკრატიული პარტია.[1] პირველი მთავრობა ჩამოაყალიბა 2006 წელს და თანამდებობა ეკავა 2010 წლამდე. მოგვიანებით პრეზიდენტმა გაშპაროვიჩმა შესთავაზა მთავრობის ფორმირება, მაგრამ უარი თქვა და მთავრობა ჩამოაყალიბა ივეტა რადიჩოვამ. 2012 წელს ვადამდელ საპარლამენტო არჩევნებში მისი პარტიის გამარჯვებისთანავე ჩამოაყალიბა დამოუკიდებლობის მიღების შემდეგ პირველი ერთპარტიული მთავრობა.

ფიცოს ხელისუფლების საერთაშორისო პოლიტიკა დიდწილად მიმართული იყო მის კავშირებზე რუსეთის პრეზიდენტ ვლადიმერ პუტინსა და უნგრეთის პრემიერ-მინისტრ ვიქტორ ორბანთან. ორბანის მსგავსად რობერტ ფიცოც ევროკავშირის მტკიცე კრიტიკოსია. აკრიტიკებდა უკრაინაში შეჭრის შემდეგ რუსეთისათვის დაკისრებულ სანქციებს.[1] 2023 წელს თანამდებობის მესამედ დაკავების შემდეგ სამხედრო დახმარება შეუჩერა უკრაინას. ის „რუსეთთან ურთიერთობის სტანდარტიზაციის“ მომხრეა.[2]

2024 წლის15 მაისს სლოვაკეთის დედაქალაქ ბრატისლავიდან 180 კილომეტრში მდებარე სოფელ ჰანდლოვაში ფიცოს ცეცხლსასროლი იარაღიდან ესროლეს. შემთხვევა მთავრობის გასვლითი სხდომის დასრულების შემდეგ მოხდა, როდესაც რობერტ ფიცო მივიდა ხალხთან, რომელიც მთავრობის მეთაურს ესალმებოდა. პრემიერს ამ დროს ესროლა იურაი ჩინტულამ, სლოვაკმა მწერალმა და პოეტმა.[2] ფიცოს რამდენიმე ოპერაცია ჩაუტარდა, თუმცა მისი მდგომარეობა მძიმედ რჩება.[3]

რესურსები ინტერნეტში რედაქტირება

სქოლიო რედაქტირება

  1. 1.0 1.1 რობერტ ფიცო და მისი საგარეო პოლიტიკა. ამერიკის ხმა (16 მაისი, 2024). ციტირების თარიღი: 18 მაისი, 2024
  2. 2.0 2.1 „სლოვაკეთის პრემიერის სიცოცხლეს საფრთხე ამ მომენტში არ ემუქრება - პრემიერის მოადგილე“. რადიო თავისუფლება. 15 მაისი, 2024. ციტირების თარიღი: 18 მაისი, 2024. შეამოწმეთ თარიღის პარამეტრი |access-date= და |date=-ში (დახმარება)
  3. „სლოვაკეთის პრემიერ-მინისტრს, რომელიც იარაღით დაჭრეს, კიდევ ერთი ოპერაცია ჩაუტარდა“. rustavi2.ge. ციტირების თარიღი: 18 მაისი, 2024. შეამოწმეთ თარიღის პარამეტრი |access-date=-ში (დახმარება)