რაინული ბატი

რაინული ბატი — ბატის ჯიში. გამოყვანილია გერმანიაში ადგილობრივი და ემდენური ჯიშის ბატების შეჯვარებით. 1969 წელს უნგრეთიდან შეიყვანეს სსრ კავშირში. საშუალო სიდიდის ბატია (ზრდასრული მამლის ცოცხალი მასაა 7,0 კგ, დედლისა — 6,0 კგ), აქვს ოდნავ დახრილი კორპუსი. კისერი მოკლეა, მკერდი ფართო, გამოწეული. შეფერილია თეთრად, ნისკარტი და ფეხები ნარინჯისფერია. კვერცხმდებლობა — 65–80 ცალი წელიწადში; გამოჩეკის პროცენტულობა 60–65%-ია (ორი თვის ასაკში მოზარდეულის ცოცხალი მასა 4,0 კგ-ია). რუსეთში რაინულ ბატს იყენებენ შადრინსკული ჯიშის თეთრი ბატების გამოსაყვანად.