ჩინეთში მეწყერის ჩამოწოლის შედეგად დაღუპულთა რიცხვმა 700-ს მიაღწია. ჩინეთი არ კარგავს იმედს, რომ გადარჩენილების პოვნა ჯერ კიდევ შესაძლებელია. ოფიციალური ინფორმაციის თანახმად 1000 ადამიანზე მეტი ამ დრომდე უგზო-უკვლოდ დაკარგულად ითვლება. ტრაგედიის ადგილას 10 000 ჯარისკაცზე მეტი მუშაობს. რამდენიმეკვირიანი გადაუღებელი წვიმის შედეგად ადიდებულმა მდინარეებმა ჩინეთის სამხრეთით მდებარე პროვინციები დატბორა. სტიქიამ მთლიანად წალეკა რვა დასახლებული პუნქტი და ექვსი სოფელი. (რადიო თავისუფლება)
ყირგიზეთის ყოფილი პრემიერი, იგორ ჩუდინოვი დააკავეს ჯერჯერობით დაუდგენელი მიზეზით. ის ყოფილი პრეზიდენტის, ბაკიევის მმართველობის დროს, 2007-2009 წლებში იყო პრემიერის თანამდებობაზე. (რადიო თავისუფლება)
