პეტრე ბერაია
პეტრე ბერაია (დ. 24 ოქტომბერი, 1946, ფოთი) — ქართველი ინჟინერი და პოლიტიკოსი.
| პეტრე ბერაია | |
|---|---|
| დაბადების თარიღი | 24 ოქტომბერი, 1946 |
| დაბადების ადგილი | ფოთი |
| მოქალაქეობა |
 სსრკ → საქართველო |
| განათლება | ოდესის საზღვაო-საინჟინრო ინსტიტუტი |
| ეროვნება | ქართველი |
| ჯილდოები |
 |
ბიოგრაფია
რედაქტირებაპეტრე ბერაია დაიბადა 1946 წლის 24 ოქტომბერს ქალაქ ფოთში. 1970 წელს დაამთავრა ოდესის საზღვაო-საინჟინრო ინსტიტუტი.
1964-1972 წლებში ფოთის საზღვაო ნავსადგურის ფლოტის მეზღვაური, სამუშაოთა მწარმოებელი, უფროსი სამუშაოთა მწარმოებელი. 1972-1974 წლებში კომკავშირის საქალაქო კომიტეტის საორგანიზაციო განყოფილების გამგე. 1974-1978 წლებში საქართველოს საზღვაო სანაოსნოს შორეული ცურვის გემებზე კაპიტნის პირველი თანაშემწე. 1978-1981 წლებში საზღვაო ნავსადგურის პარტიული კომიტეტის მდივანი.1981-1985 წლებში საქალაქო კომიტეტის მრეწველობის, საორგანიზაციო განყოფილების გამგე. 1985-1986 წლებში საზღვაო ნავსადგურის უფროსი. 1986-1990 წლებში საქალაქო კომიტეტის პირველი მდივანი. 1993-1994 წლებში საქართველოს ტრანსპორტის სამინისტროს წამყვანი სპეციალისტი, უფროსი სპეციალისტი, მინისტრის მრჩეველი. 1994-1995 წლებში საქართველოს სავაჭრო-სამრეწველო პალატის პრეზიდიუმის თავმჯდომარე. 1995-1999 წლებში იყო საქართველოს მე-4 მოწვევის პარლამენტის წევრი (ფოთის მაჟორიტარი). 1999 -2004 წლებში — საქართველოს მე-5 მოწვევის პარლამენტის წევრი (ფოთის მაჟორიტარი), საარჩევნო ბლოკი: „საქართველოს მოქალაქეთა კავშირი “. 1999 წელს დაჯილდოვდა ღირსების ორდენით.
ორგანიზაციის, ასოციაციის ან ჯგუფის წევრი
რედაქტირება- საქართველოს მე-4 მოწვევის პარლამენტი, წევრი (1995-1999)
- საქართველოს მე-4 მოწვევის პარლამენტის ფრაქცია „იმედი“, თავმჯდომარე (1995-1999)
- საქართველოს მე-5 მოწვევის პარლამენტი, წევრი (1999-2004)
- საქართველოს მე-5 მოწვევის პარლამენტის საზღვაო საკითხთა ქვეკომიტეტი, თავმჯდომარე (1999-2004)
რესურსები ინტერნეტში
რედაქტირება- პეტრე ბერაია — საქართველოს ბიოგრაფიული ლექსიკონი
- პეტრე ბერაია — საქართველოს პარლამენტის ოფიციალური საიტი (მოძველებული / არქივი / ახალი არქივი)