პარმენ მარგველაშვილი
პარმენ მარგველაშვილი (დ. 30 აპრილი, 1943, ქუთაისი, საქართველოს სსრ, სსრკ) — საბჭოთა და ქართველი ფიზიკოსი.
| პარმენ მარგველაშვილი | |
|---|---|
| დაბ. თარიღი | 30 აპრილი, 1943 |
| დაბ. ადგილი | ქუთაისი, საქართველოს სსრ, სსრკ |
| მოქალაქეობა |
 სსრკ → საქართველო |
| საქმიანობა | ფიზიკოსი |
| ალმა-მატერი | თბილისის სახელმწიფო უნივერსიტეტი |
| ჯილდოები |
 |
| სამეცნიერო სფერო | ფიზიკა |
ბიოგრაფია
რედაქტირებადაიბადა 1943 წლის 30 აპრილს, ქალაქ ქუთაისში. 1965 წელს დაამთავრა თბილისის სახელმწიფო უნივერსიტეტის ფიზიკის ფაკულტეტი. 1971-1975 წლებში იყო თბილისის სახელმწიფო უნივერსიტეტის თეორიული ფიზიკის კათედრის ასისტენტი. 1993 წლიდან 2005 წლამდე — თბილისის 55-ე საჯარო სკოლის დირექტორი. 1998 წელს დაჯილდოვდა საქართველოს ღირსების ორდენით პრეზიდენტის მიერ. 1997-2005 წლებში იკავებდა თბილისის სახელმწიფო უნივერსიტეტის პრორექტორის თანამდებობას. 1991-2007 იყო თბილისის დამოუკიდებელი უნივერსიტეტის რექტორი. 2007 წელს საქართველოს კათოლიკოს–პატრიარქის ილია II-ს კურთხევით დაინიშნა საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის რექტორად, ამ თანამდებობას ის დღემდე იკავებს. 1975-1982 წლებში იყო თბილისის სახელმწიფო უნივერსიტეტის ახალგაზრდა მეცნიერული საბჭოს თავმჯდომარე, ხოლო 1989-1991 წლებში — საბჭოთა კავშირის დეპუტატი.
გამოქვეყნებული აქვს 60 სამეცნიერო ნაშრომი და პუბლიკაცია: „დავით კაკაბაძის არქივიდან“ (1988, 2001, 2009), „რაღაა იგი სინათლე, რასაცა ახლავს ბნელია“ (1992), „ტაძარი, The Templ“ (2000), „Shotha Rustaveli, მ. უორდროპის თარგმანის გამოცემა მე-17 საუკუნის უცნობი მინიატურებით“ (2005); „შოთა რუსთაველი, ვეფხისტყაოსანი“ (2005), „რუსთაველის მსოფლმხედველობა“ (2008), აგრეთვე გამოცემული აქვს დავით კაკაბაძის ნაშრომი „ქართული ჩუქურთმის გენეზისი“ თავისი წინასიტყვაობით.